७ फागुन, काठमाडौँ । सुनको भाउ आज पनि घटेको छ । बिहीबार ८९ हजार २ सयमा कारोबार भएकोे छापावाला सुनको भाउ आज एक हजारले घटेर ८८ हजार २ सय रुपैयाँमा झरेको नेपाल सुन चाँदी व्यवसायी महासंघले जनाएको छ । यससंगै आजको भाउ पछिल्लो ८ महिना यताकै सस्तो भएको छ ।
पछिल्लो मंगलबार यता मात्रै सुनको भाउ दुई हजार ७ सय रुपैयाँले घटेको हो । महासंघले आज तेजावी सुनका भाउ ८७ हजार ७५० रुपैयाँ तोकेको छ । यस्तै चाँदी पनि प्रतितोला ३० रुपैयाँले घटेको छ ।
बिहीबार १३ सय ३५ रुपैयाँ तोलामा कोरोबार भएको चाँदीको भाउ १३ सय ५ रुपैयाँमा झरेको महासंघले जनाएको छ । सुनको भाउ बढ्नुको कारण अमेरीकी नयाँ राष्ट्रपतिले पदभार सम्हालेपछि कोभिड प्रभावितका लागि घोषणा गरेको सहुलियत प्याकेज भएको अन्तराष्ट्रिय सञ्चार माध्यमले जनाएका छन् ।
डलर थप मजबुत बन्दै जानु, लगानीको वातावरण सहज बन्नु जस्ता कारणले सुनमा गरिने लगानी घटेको बताइएको छ ।
