२९ चैत, एजेन्सी । म्यानमारको यंगुन शहरमा थप ८० जनाभन्दा धेरै प्रदर्शनकारीको ज्यान गएको छ ।
यंगुनकोे उत्तर पश्चिम क्षेत्रमा रहेको बागो शहरमा भेला भएका प्रदर्शनकारीमाथि सेनाले गोली चलाएको खबरमा उल्लेख छ ।
त्यहाँ अझै धेरै प्रदर्शनकारीहरुको ज्यान गएको हुन सक्ने म्यानमारका स्थानीय संचारमाध्यमलाई उदृत गर्दै बीबीसीले जनाएको छ ।
सेनाले शवहरु आफै लगेकाले मृतकको यकिन तथ्यांक अझै पत्ता लाग्न सकेको छैन ।
म्यानमारमा गएको फेब्रअरी १ मा सेनाले सैनिक शासन लागू गर्दै संकटकाल लगाएपछि प्रदर्शन हुँदै आएको छ ।
दिनहुँ चर्किएको प्रदर्शनमा अहिलेसम्म ६ सय १८ जनाको ज्यान गइसकेको छ ।
म्यानमारमा आन्दोलन नरोकिएपछि आफ्नो देश छोडेर अरु देशमा जानेहरुको पनि संख्या बढ्दै गएको छ
