विराटनगर, असार २१
विभिन्न सञ्चार माध्यमहरुमा आफ्नो चरित्र हत्या गर्ने प्रायोजनले समाचार प्रकाशन तथा प्रसारण गरिएको भन्दै संघिय मामिला तथा सामान्य प्रशासन मन्त्री लालबाबु पण्डितका पूर्व स्वकिय सचिव वसिम आलमले आपत्ति जनाएका छन् ।
विभिन्न सञ्चार माध्यममा ‘लालबाबु पण्डितलाई धनी बनाउन खोज्ने पिए ओसिम आलमको जागिर चट्’ भन्ने शिर्षमा समाचार प्रकाशित भएको भन्दै पूर्व स्वकिय सचिव आलमले विज्ञप्ती प्रकाशित गर्दै आपत्ति जनाएका हुन् ।
उनले आफुलाई पदबाट मन्त्री पण्डितले नहटाएको र आफु संगठन निर्माणको काम र पूर्णरुपले राजनितिमा लाग्ने भनेर स्वइच्छाले पदबाट हटेको बताएका छन् ।
आलमले भने ‘ मैले स्वईच्छालेनै अब पूर्णरुपले आफ्नो ध्यान राजनिति केन्द्रित र संगठन निर्माणमा लाग्ने भएकाले स्वकिय सचिवको जिम्मेवारीबाट हटेको हो । विभिन्न सञ्चार माध्यममा आर्थिक लेनदेन र ठुला ठेकेदारहरु सँग सुनियोजित रुपले उठबस गरेको भन्ने तथ्यहिन समाचार प्रकाशित गरिएको छ । यो सरासर मेरो चरित्र हत्य गर्ने प्रायोजनले तथ्यहिन, आधारहिन र हावादारि समाचार हो ।’
यता संघिय मामिला तथा सामान्य प्रशासन मन्त्री लालबाबु पण्डितसँग बुझ्दा उनले आफ्ना स्वकिय सचिव आलमलाई आफुले पदबाट नहटाएको बताएका छन् ।
मन्त्री पण्डितले भने ‘ मैले स्वकिय सचिव वसिम आलमलाई पदबाट हटाएको होइन । उनि आफैले अब राजनिति तर्फ आफ्नो ध्यान केन्द्रित गर्छु भनेकाले आलम आफै पदबाट हटेका हुन् । जहाँ सम्म आर्थिक लेनदेनको कुरा छ म आफै भ्रष्टचारको विरुद्धमा कडा रुपले प्रस्तुत हुने भएकाले त्यस्तो काम मेरो मन्त्रालय अन्तर्गतको सचिवालयबाट हुनै सक्दैन ।’
उनले ले यस्ता समाचारले व्यक्तिको चरित्र हत्या भएर दुखित बन्नुपर्ने अवस्था आउने भन्दै पत्रकारिता क्षेत्रनै बदनाम हुने बताए । मन्त्री पण्डितले यस्ता प्रकारका भ्रामक समाचारले समाचार माथिको विश्वनियतामा समेश प्रश्न चिन्ह उब्जने बताए ।
