५ भदाै, काठमाडौं।
नेकपा (माओवादी केन्द्र) को स्थायी समिति बैठक पार्टी मुख्यालय पेरिसडाँडामा जारी छ । बैठक २ः३० बजेबाट शुरुभएको हाे ।
आजको बैठकमा नेताहरुको जिम्मेवारी तोक्ने, संगठनात्मक संरचनाहरुको बारेमा छलफल गर्ने कार्यसूची रहेको जनाइएकाे छ ।
यसअघिको केन्द्रीय समिति बैठकले गरेको निर्णय अनुमोदन गर्ने र पार्टीमा थप २२ जना केन्द्रीय सदस्य थप गर्ने विषयमा पनि छलफल हुने अध्यक्ष पुष्पकमल दाहाल ‘प्रचण्ड’का प्रेस संयोजक विष्णु सापकोटाले बताउनुभयो । माओवादी केन्द्रले केन्द्रीय कार्य समितिमा सदस्य थप गर्दा समानुपातिक समावेशीताको आधारमा थप गर्ने निर्णय गरिसकेको छ ।
त्यस्तै, माओवादी केन्द्रका केन्द्रीय सदस्यहरु नेकपा (एमाले) मा प्रवेश गर्दा सो ठाउँमा नयाँ सदस्य थप गर्न बाँकी छ । सोहीअनुसार प्रदेश समितिमा पनि केही पदाधिकारी थप गर्न बाँकी रहेकाले त्यसबारेमा पनि आज छलफल हुने कार्यसूची छ ।
