१९ भदाै, सुनसरी ।
सुनसरीको इटहरीमा भाटभटेनी सुपर स्टोरले नेपालकै सबैभन्दा ठूलो स्टोर सञ्चालनमा ल्याएको छ। साे सुपर स्टोरको शनिबार भाटभटेनीका सञ्चालक मीनबहादुर गुरुङले उद्घाटन गरेका छन्।
उद्घाटन पश्चात बाेल्दै सञ्चालक गुरुङले प्रदेश नम्बर १ को केन्द्रमा देशको सबैभन्दा ठूलो स्टोर खोल्न पाएकोमा खुसी व्यक्त गरे। भाटभटेनीले अल्कोहल र निकोटिन ग्रुपका बाहेक सबै मालसामानमा १० प्रतिशत छुट दिएको सञ्चालक गुरुङले जानकारी दिए। तर इलेक्ट्रोनिक वस्तुमा भने २० प्रतिशतसम्म छुटको प्याकेज रहेकाे छ ।
इटहरीमा ३५ कट्ठा जमिनसहित ३ अर्ब लगानीमा खुलेको भाटभटेनीले मनोरञ्जनस्थलसहितको किनमेलको केन्द्र बनाएको छ।
