२२ भदौ, काठमाडौं ।
सुदूरपश्चिम प्रदेशका आर्थिक मामिला तथा योजनामन्त्री प्रकाशबहादुर शाह र राज्यमन्त्री अर्चना गहतराजले पदबाट राजीनामा दिएका छन्।
केहीबेर अघि मुख्यमन्त्री त्रिलोचन भट्टलाई दुवैले राजीनामा बुझाएका हुन्। नेपाल लाइभसँगको कुराकानीमा शाहले आफू पार्टी एकताको पक्षमा रहेकाले राजीनामा दिन लागेको बताएका थिए। शाह नेकपा एमाले सुदूरपश्चिम संसदीय दलका नेतासमेत हुन्।
शाह माओवादी नेतृत्वको प्रदेश सरकारमा सुरुदेखि नै नेकपा एमालेबाट नेतृत्व गर्दै सरकारमा सहभागी थिए। आन्तरिक मामिलामन्त्री रहेका शाह गत जेठमा आर्थिक मामिला तथा योजना मन्त्रालयको जिम्मेवारीमा थिए। राज्यमन्त्री गहतराज गत जेठमा नियुक्त भएकी थिइन्।
