२६ भदाै, एजेन्सी ।
आज भन्दा २० वर्ष अघि विश्वलाई नै त्रसित बनाउदै आजकै दिन अमेरिकामा सन् २००१ को सेप्टेम्बर ११ मङ्गलवारका दिन भयानक आत्मघाती आक्रमण भयो । आक्रमणकारीहरूले अमेरिकी यात्रुवाहक विमानहरूलाई आफ्नो नियन्त्रणमा लिएर न्यूयोर्कका दुई ठूला भवन जुन विश्वकै गगनचुमबी भवनमा गनिन्थे त्याहा आक्रमण गरे ।
जसका कारण हजारौ मानिसहरूले ज्यान गुमाए । उक्त आक्रमण अमेरिकीहरूका लागि मात्रै नभई विश्वकै लागि यो दुखद घटना थियो । त्यही दिनको समझनामा अज अमेरिकामा विभिन्न कार्यक्रमहरु आयोजना गरिएका छन् । त्यो दिन सेप्टेम्बर ११ मा संयुक्त राज्य मेरिकाको पूर्वी भेगमा उडिरहेका चारवटा विमान एकपछि अर्को गर्दै अपहरणमा परेका थिए । जसमध्य दुईवटा विमानले न्यूयोर्कको वर्ल्ड ट्रेड सेन्टरमा आक्रमण गरेका थिए । पहिलो विमानले नोर्थ टावरमा स्थानीय समयानुसार बिहान ८ः४६ मिनेटमा आक्रमण गरेको थियो भने दोस्रो विमान साउथ टावरमा स्थानीय समयानुसार ९ः०३ मिनेटमा भएको थियो। त्यस बखत ती भवनहरूमा आगो लागेको थियो र माथिल्ला तलामा मानिसहरू फसेका थिए भने धूँवाको बाक्लो मुस्लोले सहर छोपिएको थियो ।
मानिसहरुमा भागदौड मच्चिएको थियो भने कति मनिस भवनबाट तल खसेका थिए । दुई घण्टाभन्दा कम समयमा ११० तले दुवै भवन ढलेर धूलोको विशाल मुस्लो र भग्नावशेषमा परिणत भएका थिए । नौ बजेर ३७मिनेटमा तेस्रो विमानले राजधानी वाशिङ्टन डीसी भन्दा केही बाहिर रहेको अमेरिकी सेनाको मुख्यालय पेन्टागनलाई क्षति पु¥याएको थियो।
यात्रुहरूले प्रतिरोध गरेपछि चौथो विमान पेन्सिल्भेनीआको एउटा मैदानमा दुर्घटनाग्रस्त भएको थियो। अपहरणकारीहरूले उक्त विमानको प्रयोग गरी अमेरिकी संसद् भवनमा आक्रमण गर्ने लक्ष्य राखेको ठानिएको थियो । उक्त दुखद घटनामा १९ अपहरणकारी बाहेक २ हजार ९ सय ७७ जनाले ज्यान गुमाएका थिए। घटनापछि इस्लामवादी उग्रवादी सञ्जाल अल–कायदाले अफगानिस्तानबाट ती घातक आक्रमणहरूको योजना बुनेको मानिएको थियो ।
अपहरणमा संलग्न १९ जनापाँच जनाको तीन वटा र चार जनाको एउटा समूहमा विभाजित थिए जसमध्ये प्रत्येक समूहमा विमान चालकको तालिम लिएका एक व्यक्ति थिए । त्यस्तो तालिम अमेरिकाकै उड्डयन प्रशिक्षण केन्द्रहरूमा लिइएको थियो । बिन लादेन जस्तै १५ जना अपहरणकारी साउद अरबका थिए। दुईजना संयुक्त अरब एमिरेट्स, एक जना इजिप्ट र एक जना लेबनानका थिए। उक्त आक्रमणपछि संसारभरि उडान सुरक्षा सुदृढ पारिएको थियो ।
संयुक्त राज्य अमेरिकामा विमानस्थल र विमानको सुरक्षा बलियो बनाउन ट्रान्सपोर्टेशन सेक्यूरिटी एड्मिनिस्ट्रेशन नामक छुट्टै निकाय स्थापना भयो । दुईवटा टावर ढलेको स्थान “ग्राउन्ड जीरो“ लाई सफा गर्न आठ महिनाभन्दा बढी समय लागेको थियो भने पेन्टागनको पुनर्निर्माणका लागि एक वर्ष समय लागेको थियो ।तत्कालीन अवस्थामा अमेरिकाका राष्ट्रपति जर्ज डब्लु बुस रहेका थिए । उक्त आक्रमणको एक महिना नबित्दै राष्ट्रपति बुशले अन्तर्राष्ट्रिय गठबन्धनको साथ लिएर अल–कायदालाई समाप्त गर्न र बिन लादेनलाई पत्ता लगाउन अफगानिस्तानमा आक्रमण गरेका थिए ।
अमेरिकी आक्रमणपछि लादेनलाई सहयोग गरेको आरोप खोपेको तालिबानी सरकार अपदस्थ भएको थियो भने तालिबानविरुद्धको २० वर्षे युद्धमा अफगानिस्तानलाई नै अमेरिकाले तहसनहस बनाईदिएको छ । तर अमेरिकी सेना अफगानिस्तानबाट फर्किनै लाग्दा २० वर्ष शक्ति संचय गरेको तालिबानले अफगानिस्तानको सत्ता आफ्नो हातमा लिएको छ। अमेरिकी सैनिकहरूले बिन लादेनलाई लामो समय अफगानिस्तानमा पत्ताल गाउन सकेनन तर सन् २०११ मा छिमेकी पाकिस्तानमा अमेरिकी सेनाले बिन लादेनलाई मार्न सफल भयो ।जतिबेला अमेरिकामा राष्ट्रपति बराक ओबामा रहेका थिए ।
सेप्टेम्बर ११ को हमलाका आरोपित योजनाकार खालिद शेख महमदलाई सन् २००३ मा पाकिस्तानमा पक्राउ गरिएको थियो। त्यसयता उनी ग्वान्टानामो बेमा अमेरिकी हिरासतमा छन् र अझै पनि अभियोजनको पर्खाइमा छन् ।
झन्डै दुई दशकपछि अमेरिकी सैनिकहरू अफगानिस्तानबाट बाहिरिएसँगै अब फेरि अफगानकै संरक्षणमा त्यहीको भूमिा अल–कायदाको पुनरागमन हुने हो कि भन्ने चिन्ता विश्वब्यापी रुपमा उत्पन्न भएको छ ।
