विराटनगर,साउन ५
मोरङ बडीबिल्डिङ संघको आयोजनामा विराटनगरमा ७ दिने बडीबिल्डिङ एण्ड फिटनेश प्रशिक्षण कार्यक्रम सुरु भएको छ । कार्यक्रमको शनिबार प्रमुख अतिथि यम रानाभाट र मोरङ बडीबिल्डिङ संघका अध्यक्ष अमलेश कर्णले उद्घाटन गरे ।
उद्घाटन कार्यक्रममा बोल्दै तालिम तथा प्रशिक्षण प्रमुख यम रानाभाटले बडीबिल्डिङ दीर्घ जीवनको पद्धति भएको बताए ।उनले बडीबिल्डिङलाई अझै पनि समाजले नकारात्मक दृष्टिकोणले हेर्ने गरेको भन्दै यसलाई समाजमा बुझाउन आवश्यक रहेको बताए ।
त्यस्तै कार्यक्रमका अतिथि एवम् एनएफपीएफ अन्तराष्ट्रिय संघका अध्यक्ष लोकेन्द्र परियारले बडीबिल्डिङ अझै पनि नेपालका ८÷९ वटा जिल्लामा मात्र सक्रिय रहेको बताउँदै नभएको ठाउँमा पु¥याउनु पर्नेमा जोड दिए । उनले नेपालमा खेलकुद विकासमा लगानी नरहेको बताउँदै खेलकुद विकासमा सानो सानो रकम जम्मा गरेर भएपनि खेलकुदलाई अगाडि लानुपर्नेमा जोड दिए ।
राखेप कर्मचारी संघका अध्यक्ष राकेश थापाले खेलकुद क्षेत्रमा विकास नभएको बताउँदै नेपालमा खेलकुद मनोरञ्जनका लागि मात्र खेलिने बताए । उनले राज्यले खेलकुदको माध्यामबाट पनि रेमिट्यान्स भित्राउन सक्ने भन्दै यसको विकास हुनुपर्नेमा जोड दिए ।
त्यस्तै पत्रकार महासंघ मोरङका अध्यक्ष बन्धु पोखरेलले बडीबिल्डिङले शरीर स्वस्थ्य राख्ने बताए । उनले राज्यले अनावश्यक क्षेत्रमा मात्र लगानी गरेको भन्दै खेलकुद क्षेत्रमा लगानी बढाउनुपर्नेमा जोड दिए ।
मोरङ बडीबिल्डिङ संघका अध्यक्ष अमलेश कर्णले अहिलेको समयमा खेलकुदमा निकै विकास भएकोले यसै अनुसार अघि बढ्नुपर्ने बताए ।
कार्यक्रममा १ नं प्रदेशका खेलकुद क्षेत्रमा योगदान गर्ने खेलाडी तथा प्रशिक्षकलाई मायाको चिनो प्रदान गरिएको थियो ।कार्यक्रममा खेलकुद संग सम्बन्धित थुप्रै ब्यक्तिहरुको सहभागिता थियो ।
राष्ट्रिय खेलकुद परिषद्वारा स्वीकृत प्रशिक्षण कार्यक्रममा करिब ३० जना प्रशिक्षार्थीको सहभागिता रहेको छ । साउन १२ गते सम्म हुने प्रशिक्षण कार्यक्रममा Body building & fitness practice,Sports Science, Sport Medician र Sports Nutrition को कक्षा हुने जनाईएको छ ।
