११ कात्तिक, काठमाडाैँ ।
सुन्दर ट्रेडर्स प्रा.लि.ले ५ मोडलमा नयाँ इलेक्ट्रिक स्कुटर सार्वजनिक गरेको छ । बिहीवार काठमाडौंमा एक कार्यक्रम आयोजना गरी सुन्दर ट्रेडर्सले ५ मोडलमा नयाँ इलेक्ट्रिक स्कुटर सार्वजनिक गरेको हो ।
स्कुटर सार्वजनिक गरेपछि सुन्दर ट्रेडर्स प्रा.लि.का अध्यक्ष भेषबहादुर थापाले यो स्कुटरको चार्ज, ब्याट्रीको बारेमा जीपीएसबाट हेर्न सकिने बताए । उनले आगामी केही दिनमा नै प्रा.लि.ले पहाडी क्षेत्रमा सञ्चालन गर्न सकिने विद्युतीय मोटरसाइकल र कार आयात गर्ने बताए। यो स्कुटरको वारेन्टी ५ वर्षको हुने र यसका पार्टपूर्जाहरु पनि सस्तो रहेको उनले बताए।
अध्यक्ष थापाले भने, ‘इलेक्ट्रिक स्कुटी आयात गरेका छौँ, यसलाई जीपीएसबाट कति चार्ज भयो भन्ने कुरा हेर्न सकिन्छ, यसको भित्र जीपीएस राखिएको छ, त्यसैले आफू हिँड्दा हिँड्दै कति ब्याट्री खपत भयो हेर्न सकिन्छ, हामीले अहिले ५ मोडलमा स्कुटी ल्याएका छौँ, आगामी केही दिन भित्र पहाडी भेगमा पनि सञ्चालन हुनसक्ने गरेर बाइक र कार सञ्चालन गर्नेछौं, सम्भावित ४० दिनमा कारसहित इलेक्ट्रिक बाइक सञ्चालन हुनेछ ।’
अध्यक्ष थापाले इन्धनको भारलाई कम गर्न विद्युतीय सवारीसाधनमा जोड दिएको बताए । उनले अबको महिना दिनमा सुन्दर यातायात प्रा.लि.ले पठाओको झैँ सेवा सुचारु गर्ने बताउँदै त्यसका लागि २५० वटा मोटरसाइकलहरु तयार गरेको बताए ।
