१४ मंसिर, एजेन्सी ।
पाँच पटकको च्याम्पियन मुम्बई इन्डियन्सले स्टार अलराउन्डर काइरन पोलार्ड र हार्दिक पान्ड्यालाई इन्डियन प्रिमियर लिग (आइपिएल) २०२२ को मेगा अक्सन अघि फुकुवा गरेको छ ।
मुम्बईले कप्तान रोहित शर्मा र तीव्र गतिका बलर जस्प्रित बुमराहलाई टोलीमा राख्दा अन्य सबै खेलाडी फुकुवा गरेको छ । पोलार्ड, हार्दिक, सूर्य कुमार यादव, ईशान किशन टोलीमै रहन सक्ने खेलाडीको रुपमा थिए ।
राहुल चाहर र क्रुनाल पान्ड्या पनि दाबेदारमा थिए । आइपिएल नियम अनुसार मेगा अक्सन अघि बढीमा चार खेलाडी राख्न पाइन्छ । चार खेलाडीमा बढीमा तीन भारतीय र दुई विदेशी राख्न पाइन्छ । पोलार्ड र हार्दिक विष्फोटक ब्याटरको लागि विश्व प्रसिद्ध ब्याटर हुन् ।
मध्य गतिमा बलिङ गर्ने गर्दछन् । मुम्बईले २०२० र २०१९ को उपाधि लगातार जित्दा यी दुई अलराउन्डरको भूमिका महत्वपूर्ण थियो । दुबै ब्याटर एकै खेलमा खेललाई मोड्न सक्छन् । मुम्बईका प्रमुख खेलाडी पोलार्ड र हार्दिकलाई टोलीमै राख्ने गर्न सक्ने अनुमान गरिएको थियो ।
तर मुम्बईले दुई खेलाडी मात्र टोलीमा राख्दै अन्य सबैलाई फुकुवा गरेको छ । सूर्य एक फ्रेन्चाइज टोलीको कप्तानी गर्ने सम्भावना छ । दुई नयाँ फ्रेन्चाइज टोलीसँगै कोलकता नाइट राइडर्स र रोयल च्यालेन्जर्स बेंगलोर नयाँ कप्तानको दोडमा छन् ।
यी चार फ्रेन्चाइज टोली मध्य एकको सूर्यले कप्तानी गर्ने सम्भावना छ । ईशान किशन पनि भारतीय टोलीका वर्तमान समयका आक्रामक ब्याटर हुन् । आइपिएलमा यस सिजन देखि १० टोलीबीच प्रतिस्पर्धा हुनेछ । लखनउ र अहमदाबाद यस सिजनमा थपिएका नयाँ फ्रेन्चाइज टोली हुन् ।
यी दुई फ्रेन्चाइज टोलीले भने तीन खेलाडी मात्र टोलीमा राख्न पाउनेछन् । दुई भारतीय र एक विदेशी खेलाडी राख्न पाइने छन् । दिल्लीले पृथ्वी शा, ऋषभ पन्त, एनरिच नोर्किया र अक्षर पटेललाई टोलीमा राखेको थियो ।
चेन्नई सुपर किंग्सले रविन्द्र जडेजा, महेन्द्रसिंह धोनी, ऋतुराज गायकवाड त्यस्तै कोलकता नाइट राइडर्सले आन्द्रे रसेल, बरुण चक्रवर्ती, वेंकटेश ऐर र सुनिल नारायणलाई राखेको छ ।
सनराइजर्स हैदराबादले केन विलियम्सन, बेंगलोरले विराट कोहली र ग्लेन म्याक्सवेललाई टोलीमै राखेको छ । राजस्थान रोयल्सले सन्जु स्यामसनलाई टोलीमा राखेको छ ।
