१३ पुस, एजेन्सी ।
भारतमा ओमिक्रोनको संक्रमण तीब्र गतिमा फैलिरहेको छ ।
एकदिनमा सबैभन्दा धेरै १३५ संक्रमित भेटिएका छन् । यससँगै कुल संक्रमितको संख्या बढेर ६७० पुगेको छ । सोमबार गोवा र मणिपुरमा पनि ओमिक्रोन पुगेको छ । दुबै राज्यमा हिजो एक–एक संक्रमित भेटिए । ओमिक्रोन हालसम्म २० राज्यरकेन्द्र शासित प्रदेशमा फैलिएको छ ।
दिल्लीमा अघिल्लो दिन ओमिक्रोनको सर्वाधिक ६३ संक्रमित भेटिएका छन् । यसबाहेक महाराष्ट्रमा २६, गुजरातमा २४, तेलंगानामा १२, राजस्थानमा ३, उत्तराखण्डमा ३ र हरियाणामा २ नयाँ संक्रमित भेटिएका छन् ।
ओमिक्रोनको खतरालाई मध्यनजर गर्दै सोमबार संसारभरी २,१०० फ्लाइट रद्द भए
ओमिक्रोनको बढ्दो मामिलाका बीच संसारभरी उडान रद्द हुने सिलसिला जारी छ ।
सोमबार करिब २१०० उडान रद्द भए जसमा ७०० अमेरिकाको हो । रिपोर्टका अनुसार क्रिसमसको छुट्टीका बेला शनिबार र आइतबार अमेरिकाको २३ सय उडान रद्द भए । यस्तै संसारभरी यतिबेला ३५०० उडान रद्द भए ।
