२ चैत, विराटनगर । नेपाली राष्ट्रिय क्रिकेट टोलीका पूर्व कप्तान पारस खड्का प्रिमियर स्टीलको ब्रान्ड एम्बेसेडर बनेका छन् ।
मंगलबार विराटनगरमा एक कार्यक्रम आयोजना गर्दै खड्कालाई प्रिमियर स्टील प्रा. लि.ले ब्रान्ड एम्बेसेडरको रूपमा स्वागत गरेको हो ।
संचालकहरु पवन सारडा, अनुपम राठी, प्रदीप सारडा, अभिजित सिंहलगायतले खड्कालाई एम्बेसेडर घोषणा गर्दै स्वागत गरेका हुन् ।
प्रिमियर स्टील नेपालमा स्टील उत्पादन गर्ने ठूलो कम्पनी मध्येको एक हो । पूर्वाञ्चलको पहिलो र सबैभन्दा धेरै उत्पादन क्षमता भएको यो उद्योग स्टील उद्योगको रुपमा ४० वर्षअघिदेखि संचालिता छ ।
सारडा र राठी ग्रुप अन्तर्गत रहेको उद्योगले आम उपभोक्तासंगै ठूला विकास पूर्वाधार, जलविद्युत, विदेशी परियोजनाहरु लगायतका लागि स्टील उत्पादन गर्दै आएको छ । प्रिमियर स्टीलका उत्पादनहरु गुणस्तरीय रहेको संचालकको दाबी छ ।
प्रदेश एकको सुनसरीको दुहवीमा उद्योगको कारखाना रहेको छ । जहाँ एकै छानामुनि ८ एमएमदेखि ४० एमएससम्मका विभिन्न साइजका अटोमेटेट टीएमटी बार उत्पादन हुदै आएको छ ।
गणुस्तरीय उत्पादनको लक्ष्य लिएर प्रिमियर स्टीलले देशभर ५०० वटा रिटेल आउटलेटहरू खोल्न सफल भएको छ । उद्योगले जापानीज प्रविधिमा उत्पादन गर्दै आएको छ ।
कच्चा पदार्थदेखि बजार पठाउन तयार पारिउन्जेलसम्म हरेक प्रक्रियामा क्वालिटी जाचिने गरिएको अर्का संचालक अभिजित सिंह बताउँछन् ।
प्रिमियर स्टीलको ब्रान्ड एम्बेसेडर बनेसँगै पूर्व कप्तान खड्काले आगामी दिनमा प्रिमियर स्टील उद्योग थप उचाईमा पुग्ने आफूले विश्वास लिएको बताएका छन् ।
जसरी नेपाली क्रिकेटले आज विश्वमा आफ्नो पहिचान बढाउँदै छ त्यसैगरी नेपाली उद्योग र उत्पादनहरुको देश चिनाउन निकै योगदान रहने खड्काले बताए ।
पारस खड्काको साथमा उद्योगले आफ्नो यात्रामा अर्को महत्वपर्णू कदम चालेको संचालकहरुले बताएका छन् । पारस खड्काले प्रिमियर स्टिलका सबै नयाँ दायराका उत्पादनहरूमा केन्द्रित नयाँ अभियानको अगुवाइ गर्ने बताइएको छ ।
