एजेन्सी,भदौ ३
इंग्लिस प्रिमियर लिग फुटबल अन्तर्गत शनिबार राती भएको खेलमा चेल्सीले आर्सनलमाथि रोमाञ्चक जित निकालेको छ । चेल्सीको घरेलु मैदान स्टामफोर्ड ब्रिजमा चेल्सीले आर्सनलमाथि ३–२ को रोमाञ्चक जित निकालेको हो ।
चेल्सीको जितमा पेड्रो रोड्रिग्वेज, अल्भारो मोराटा र मार्को एलोन्सोले गोल गरे । आर्सनला लागि हेनरिक मिखटारियन र एलेक्स इओवीले गोल गरे । घरेलु मैदानमा चेल्सीले खेलको नवौं मिनेटमा मार्को एलान्सोको उत्कृष्ट क्रसमा पेड्रोको गोलबाट अग्रता बनाएको थियो । २० औं मिनेटमा मा सेजरको पासमा मोराटाले अफ साइड बिटबाट गोल गर्दै चेल्सीले खेलमा २–० को अग्रता बनायो ।
त्यसपछि चार मिनेटको अन्तरमा लगातार दुई गोल गर्दै आर्सनलले पहिलो हाफ २–२ गोको बराबरीमा ल्याएका थिए । हेनरिक मिखटारियनले ३७ औ मिनेटमा गोल गर्दै आर्सनललाई २–१ को स्थितिमा पु¥याएका थिए । मिखटारियनकै पासमा ४१ औ मिनेटमा एलेक्स इओबीले गोल गर्दै खेल बराबरीमा ल्याए ।
त्यस्तै दोस्रो हाफमा मैदान छिरेका ८१ औ मिनेटमा मार्कोस एलोन्सोले गोल गर्दै चेल्सीलाई ३–२ को जित दिलाउन सफल भए ।जितसँगै चेल्सीले दुई खेलबाट ६ अंक जोडेको छ भने आर्सनलको लगातार दोस्रो हार बेहोरेको छ । यसअघि आर्सनल पहिलो खेलमा साविक विजेता म्यानचेस्टर सिटीसँग पराजित भएको थियो ।
