२१ फागुन, एजेन्सी ।
बेलायतले राजा चार्ल्सको राज्याभिषेक समारोहको तयारी सुरु गरेको छ । यस समारोहको लागि प्रयोग गरिनेको तेल विशेष रूपमा जेरूसेलमको चर्चमा पवित्र गरिन्छ। बकिङ्घम प्यालेसले दिएको जानकारी अनुसार राजा चार्ल्सको राज्याभिषेक समारोह मे ६ मा हुने भएको छ ।
समारोहमा प्रयोग गरिएको तेललाई जेरूसेलमको चर्च अफ द होली सेपुल्चरमा आयोजित समारोहमा पवित्र गरिन्छ। चर्च अफ द होली सेपुल्चर शहरको सबैभन्दा पवित्र क्रिश्चियन साइटहरू मध्ये एक हो। वेस्टमिन्स्टर एबेमा एक धार्मिक समारोहमा राजा चार्ल्सको टाउको, छाती र हातमा प्रतीकात्मक रूपमा तेलले छोइनेछ, बकिंघम प्यालेसले भनेको छ।
चार्ल्स बाहेक उनकी श्रीमती क्यामिलाको पनि यो पवित्र तेलले राज्याभिषेक हुनेछ। बेलायती संचारमाध्यामका अनुशार यो तेल दुईवटा जैतुनको रुख काटेर निकालिएको हो । यी दुवै रुखहरू राजा चार्ल्सकी हजुरआमा ग्रीसकी राजकुमारी एलिसको चिहानमा थिए।
यो तेललाई तिल, गुलाब, चमेली, दालचीनी, नेरोली, बेन्जोइन र एम्बरका साथै सुन्तलाको फूलमा सुगन्धित गरिएको छ। इङ्गल्याण्डको सर्वोच्च पदका विशपले भनेका राज्याभिषेकले बाइबल र पवित्र भूमिबीचको गहिरो ऐतिहासिक सम्बन्धलाई झल्काउँछ।
क्रिसम तेलले पवित्र भूमिसँग राजाको व्यक्तिगत पारिवारिक सम्बन्धलाई प्रतिबिम्बित गर्दछ, जहाँ उनका स्वर्गीय बुबा, प्रिन्स फिलिपको आमालाई गाडिएको छ। राजा चार्ल्सको राज्याभिषेक समारोह मे ६ देखि ८ सम्म बेलायतमा हुनेछ । यस अवधिमा बेलायतको सडकमा उत्सवको माहौल हुनेछ । यस अवधिमा हजारौं मानिसहरू लन्डन पुग्न सक्छन्।
