Nepal Times
Nepal Times
3
Shares

चीन सागरबाट अमेरिकी युद्धपोत, उग्र भयो चीन

चीन सागरबाट अमेरिकी युद्धपोत, उग्र भयो चीन

९ चैत , एजेन्सी ।
चीनले अमेरिकालाई दक्षिण चीन सागरबाट सेना फर्काउन चेतावनी दिएको छ । चिनियाँ जनमुक्ति सेनाले अमेरिकी युद्धपोतलाई दक्षिण चीन सागर छाड्न आज चेतावनी दिएको हो । जनमुक्ति सेनाले आफ्नो जलक्षेत्रमा अमेरिकी युद्धपोतलाई फेला पारेको जनाउँदै तत्काल फर्कन चेतावनी दिएको बेइजिङले बताएको छ ।

चीनले दक्षिण चीन सागरमा आफ्नो अधिकार दाबी गर्दै आएको छ । तर, चीनको उक्त दाबीमा कुनै कानुनी आधार नभएको निर्णय अन्तर्राष्ट्रिय अदालतले गरेको छ । फिलिपिन्स, भियतनाम, मलेसिया र ब्रुनाइले पनि दक्षिण सागरको पानीमा आफ्नो दाबी गरेका छन् भने अमेरिकाले अन्तर्राष्ट्रिय जलक्षेत्रमा जहाज चलाउन पाउनुपर्ने सबैको नैसर्गिक अधिकार भएको बताउँदै आएको छ ।

चीन सरकारको अनुमतिबिना चिनियाँ जलक्षेत्रमा गैरकानुनी रुपमा अमेरिकी युद्धपोत प्रवेश गरेर यस क्षेत्रको शान्ति र स्थायित्वमा खलल पुगेको जनमुक्ति सेनाले बताएको छ । यस सम्बन्धमा अमेरिकाले कुनै प्रतिक्रिया दिएको छैन । अमेरिकी सेनाले ४ नयाँ सैन्य अखडा निर्माण गर्ने तयारी सुरु गरेको छ ।

यी अमेरिकी सैन्य अड्डाहरू दक्षिण चीन सागरमा अवस्थित फिलिपिन्सका टापुहरूमा निर्माण गरिने छ, जुन चीन र ताइवानसँग धेरै नजिक छन्। फिलिपिन्सका राष्ट्रपति फर्डिनान्ड मार्कोस जुनियरले बुधबार यी अमेरिकी सैन्य अड्डाहरूको घोषणा गरेका थिए। फिलिपिन्सले अमेरिकासँग नयाँ रक्षा सम्झौता गरेको छ र त्यसअन्तर्गत यी नयाँ अमेरिकी बेसहरू निर्माण भइरहेको छ।

हाल फिलिपिन्समा अमेरिकाको ५ वटा सैन्य अखडा छन् । यस क्षेत्रमा चीन निकै आक्रामक भएको बेला फिलिपिन्सले यो कदम उठाएको हो । चीनले दक्षिण चीन सागरमा धेरै कृत्रिम टापुहरू बनाएको छ र त्यसमा मिसाइलदेखि लडाकु विमानसम्म सबै तैनाथ गरेको छ।

ताइवानलाई लिएर चीनले अमेरिकालाई लगातार धम्की दिइरहेको छ। दुई देशबीचको रक्षा सम्झौता अन्तर्गत, अमेरिकी सेनाले फिलिपिन्समा संयुक्त अभ्यास, हतियार तैनाथी, धावनमार्ग र इन्धन भण्डारण र घरेलु सेनाका लागि सैन्य आधारहरू प्रयोग गर्न सक्नेछ। तर यो स्थायी उपस्थिति भने होइन।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.