२० भदौ, विराटनगर ।
प्रत्येक वर्ष कृष्ण जन्माष्टमीको भोलिपल्ट विराटनगरमा निकालिने ५५ औं संस्करणको राधाकृष्ण रथ यात्राको अन्तिम तयारी पूरा भएको छ । रथयात्रामा नेपालबाट मात्रै नभई भारतको बिहार, पश्चिम बङ्गाल लगायतबाट समेत भक्तालुहरु आउने भएकाले मोरङ प्रहरीले विराटनगरवासीलाई सुरक्षाका निम्ति विशेष अनुरोध गरेको छ ।
१) बहुमूल्य गरगहनाहरू लगाई समारोहमा नआउनु हुन् ।
२) अधिक नगद र बहुमुल्य सामाग्रीहरू साथमा नल्याउनु हुन ।
३) रथयात्राको मार्ग (राधाकृष्ण मन्दिर –तिनपैनी चोक – ट्राफिक चोक – रोडशेष चोक – बसपार्क – महेन्द्र चोक – भृकुटी चोक – बरगाछी चोक – दुर्गा चोक हुँदै राधाकृष्ण मन्दिर) र समारोहस्थल वरपर सवारी साधन पार्किङ नगरी दिनु हुन ।
४) सवारी साधनहरूमा ह्यान्डल लक, ह्विल लक लगायतका सुरक्षाका अतिरिक्त विधिहरु समेत अपनाई ऋऋत्ख् तथा मानिसको निगरानी रहेको सुरक्षित स्थानमा मात्र पार्किङ गरी दिनु हुन ।
५) आफ्नो साथमा बालबालिकाहरू लिई समारोहमा नआउनु हुन ।
६) बृद्ध बृद्धाहरूले साथमा सहयोगी लिएर मात्र आउनु हुन ।
७) भिडभाडको फाईदा लिई महिला तथा बालबालिकाहरूमाथि हुनसक्ने दुर्ब्यवहार प्रति सजग रहन हुन ।
८) घरका सवै सदस्यहरु एकैपटक घरबाट ननिस्की आलो–पालो गरेर मात्र आउनुहुन ।
९) घरबाट सवै सदस्यहरु एकै समयमा बाहिर जानुपर्दा बलियो संग ढोका बन्द गरेर मात्र जानुहुन ।
१०) तपाईको छेउमा रहेको जुनसुकै व्यक्ति संकास्पद व्यक्ति हुन सक्ने भएकोले हर हमेसा चनाखो रहनु हुन ।
११) कुनैपनि प्रकारको चोरी, लुटपाट, दुर्ब्यवहार लगायतका समस्या भएमा वा कसैको गतिविधि संकास्पद लागेमा तत्काल नजिकैको प्रहरी वा प्रहरी कन्ट्रोलको १०० नम्बरमा जानकारी दिनु हुन ।
