Nepal Times
Nepal Times
378
Shares

युक्रेनले रुसी सेनाको ढाड साइबेरियामा रेल्वे नै उडाईदियो

युक्रेनले रुसी सेनाको ढाड साइबेरियामा रेल्वे नै उडाईदियो

१७ मंसिर,एजेन्सी ।
युक्रेनको घरेलु जासुसी एजेन्सीले साइबेरियामा रहेको रुसी रेल्वे लाइनलाई विस्फोटक पदार्थले उडाइदिएको छ। विष्फोटबाट रेलमार्ग पूर्ण रुपमा ध्वस्त भएको छ । जसका कारण साइबेरियामा रहेको रुसी सेनाको आपूर्ति लाइन ठप्प भएको छ । एक हप्तामा साइबेरियामा युक्रेनको यो दोस्रो आक्रमण हो।

दुवै आक्रमणमा रुसी सेनालाई निशाना बनाउने प्रयास गरिएको छ । युक्रेनको यो आक्रमण रुसका लागि ठूलो टाउको दुखाइको रुपमा हेरिएको छ । यदि युक्रेनले साँच्चै साइबेरियासम्म रूसी पूर्वाधारमा आक्रमण गर्ने क्षमता हासिल गर्यो भने यो रूसी राष्ट्रपति भ्लादिमिर पुटिनको लागि समस्या हुनेछ।

रुसको साइबेरिया युक्रेनबाट हजारौं किलोमिटर टाढा छ। मंगोलियाको सिमानामा रहेको र युक्रेनबाट हजारौं किलोमिटर टाढा रहेको साइबेरियाको पुरातिया क्षेत्रको चेर्तोभ ब्रिज पार गर्दा मालवाहक रेलले विस्फोट गराएको हो।

घटनाको क्रममा रूसी रेलले ब्याकअप रेलवे लाइन प्रयोग गरिरहेको थियो किनभने अघिल्लो दिन नजिकैको सुरुङमा आक्रमणको कारण रेलहरू डाइभर्ट गर्नुपरेको थियो। रूसी मिडिया आउटलेटका अनुशार वैकल्पिक मार्ग प्रयोग गर्दा रेलमा डिजेल इन्धन ट्याङ्कीमा आगो लागेको थियो ।

आगलागीबाट मालगाडीका ६ वटा गाडी जलेर नष्ट भएका छन् । रुसले यस आगलागीमा कुनै क्षति नभएको बताएको छ । विस्फोटको कारण समेत खुलाइएको छैन । युक्रेनी अधिकारीहरुले भने दुबै अपरेसनहरू युक्रेनको सुरक्षा सेवा (एसबीयू) द्वारा सञ्चालन गरिएको थियो। रूसी टेलिग्राम च्यानलहरूलाई उद्धृत गर्दै क्षतिको पनि आकलन गरिएको छ।

यद्यपि, युक्रेनले यो मार्ग सैन्य आपूर्तिका लागि प्रयोग भएको दाबीलाई स्वतन्त्र रूपमा पुष्टि गर्न सकेको छैन। रूसी रेलवेले पछिल्लो घटनामा टिप्पणी गर्न अस्वीकार गरेको छ । रूसको अनुसन्धान समितिको क्षेत्रीय शाखाले यसबारे बोल्न अस्वीकार गरेको अन्तराष्ट्रिय संचारमाध्यामहरुले उल्लेख गरेका छन् ।

मस्कोस्थित कोमरसान्ट अखबारले अज्ञात स्रोतहरूलाई उद्धृत गर्दै रुसी अन्वेषकहरूले उक्त ट्रेनलाई अज्ञात व्यक्तिहरूले आतंकवादी कार्यमा विस्फोट गराएको निष्कर्ष निकालेको बताएको छ । विशाल रेल नेटवर्क सञ्चालन गर्ने राज्य–संचालित कम्पनी रूसी रेलवेले भने पहिलो आक्रमण पछि ट्राफिकलाई नयाँ मार्गमा मोडेको थियो ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.