Nepal Times
Nepal Times
3
Shares

भोलिदेखि विराटनगरमा व्यापार मेला, के छ खास ?

भोलिदेखि विराटनगरमा व्यापार मेला, के छ खास ?

५ पुष, विराटनगर ।
विराटनगरमा शुक्रबार पुस ६ गते देखि ‘मोरङ व्यापार ट्रेड एक्स्पो २०२३’ सुरु हुने भएको छ । एक्स्पोको सम्पूर्ण तयारी पूरा भएको मोरङ व्यापार संघले जनाएको छ । एक्स्पोको उद्घाटन शुक्रबार अपरान्ह प्रधानमन्त्री पुष्पकमल दाहाल प्रचण्डले गर्ने कार्यक्रम छ ।

आन्तरिक र अन्तरदेशीय उत्पादक र उपभोक्ता बीचको सम्बन्ध सुमधुर बनाउने लक्ष्य राखिएको एक्स्पोमा २४० स्टल बुकिङ भइसकेको मेला आयोजक समितिका संयोजक एवम मोरङ व्यापार संघका उपाध्यक्ष अनिलकुमार साहले बताएका छन ।उनका अनुसार एक्स्पोमा नेपाल, भारत, बंगलादेश, पाकिस्तानमा उत्पादन भएका वस्तुको अवलोकन र खरिद गर्न पाइने छ ।

 

त्यस्तै स्थलमा राष्ट्रिय तथा अन्तराष्ट्रिय चर्चित कलाकाहरुको प्रस्तुती समेत रहने छन् । आर्कषणका रुपमा रुपमा सेल्फी जोन, किड्स जोन तथा जर्मन प्रविधिको हेंगेरीमा निर्मित स्टलहरु पशुपतिनाथ र स्वयंभु प्यागोडा शैलीमा निर्मित रहेको बताईएको छ ।पुस १६ गतेसम्म सञ्चालन हुने मेलाको आयोजनामा चार करोड खर्च भएको छ ।

मेलाबाट १० करोडको कारोवार हुने अनुमान सहित चारलाख अवलोकनकर्ता आउने आयोजक मोरङ व्यापार संघको अपेक्षा रहेको छ । पाकिस्तानको लेदर उद्योग, बंगलादेशको गार्मेन्ट उद्योग, भारतको कृषि उद्योग र नेपालको हिमाल, पहाड र तराईको औद्योगिक उत्पादनको सामान एक्स्पो स्टलबाट ५ देखि १० प्रतिशतसम्म छुटमा बिक्री हुने भएकोले त्यसको भरपुर फाइदा उठाउन आयोजकले आग्रह गरेको छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.