Nepal Times
Nepal Times
135
Shares

सिंगापुरमा पनि भ्रष्टचार, राजीनामा दिएलगत्तै मन्त्री पक्राउ

सिंगापुरमा पनि भ्रष्टचार, राजीनामा दिएलगत्तै मन्त्री पक्राउ

४ माघ ,एजेन्सी ।

भारतीयमुलका सिंगापुरका यातायातमन्त्री सुब्रमन्यम इश्वरण भ्रष्टाचार आरोपमा पक्राउ परेका छन् । स्वच्छ सुशासनका लागि विश्वलाई आफ्नो परिचय दिदै आएको सिंगापुरका यातायातमन्त्री इश्वरणलाई भ्रष्टाचारका २७ वटा अभियोगमा आज अदालतमा पेश गरिएको हो । उनलाई सरकारी सेवकको नायाज लाभ उठाएको सहित २७ वटा अभियोग लगाइएको हो ।

भ्रष्टाचारको आरोप लागेपछि इश्वरणले आजै राजीनामा दिएका थिए । इश्वरण सत्तारुढ पिपुल्स एक्सन पार्टीका सदस्य हुन्। सन् २०२३ जुलाईमा भ्ष्टाचारको मुद्धा सुरु भएसँगै उनले आफ्नो सबै तलब र सेवा सुविधा फिर्ता गर्ने बताएका थिए । सन् २०२३ को जुलाईमा पक्राउ परेपछि उनलाई अनुपस्थित बिदामा थिए ।

पक्राउ हुँदा पनि उनलाई प्रतिमहिना ८ हजार ५०० डलर दिइएको थियो । यसका अलावा सांसदका रुपमा उनले अतिरिक्त १५ हजार डलर भत्ता पाईरहेका थिए । सिंगापुरका सांसदहरुले विश्वका अन्य देशका सांसदहरुको तुलनामा सबैभन्दा धेरै तलब भत्ता पाउने गर्छन । सिंगापुरका मन्त्रीहरुको न्यूनतम मासिक तलब ४५ हजार डलर रहेको छ ।

यो भनेको नेपालको ४४ लाख भन्दा बढी हो । उच्च तलब भत्ताले भ्रष्टाचार रोक्ने सिंगापुरका नेताहरुले बताउने गरेका छन् । इश्वरणले अर्बपति होटल व्यवसायी ओङ बेङ सेङको व्यवसायलाई फाइदा पुग्ने गरी काम गरेबापत १ लाख ६० हजार डलरबराबरको हवाई टिकट,होटल बसाँई र ग्राण्ड पिक्सको टिकट लिएको आरोप लगाइएको छ ।

उनलाई सांगितिक कार्यक्रम र फुटबल खेलको टिकट लिएको समेत आरोप लगाइएको छ । सन् २०२३ जुलाईमा इश्वरणले ओङ बेङ सेङसंगै पक्राउ परेका थिए । ओङ बेङले सन् २००८ मा सिंगापुरमा फर्मुला वान रेस भित्रएका थिए । इश्वरणलाई लागेका सबै २७ आरोपमा ओङ बेङको नामसमेत समावेश छ ।

इश्वरणले सत्तारुढ पार्टी पिपुल्स एक्सन पार्टीका नेता हुन् ।त्यसो त आफूमाथिको सबै अभियोग उनलेअस्वीकार गरेका छन् । सिंगापुरका सांसदहरू विश्वमा सबैभन्दा धेरै तलब लिनेमा पर्दछन् । सिंगापुरमा यस अघि सन् १९८६ मा पनि मन्त्रीमाथि भ्रष्टाचार अभियोग लगाइएको थियो । अभियोगपछि तत्कालीन राष्ट्रिय विकास मन्त्री तेह चियाङ्गले आत्महत्या गरेका थिए ।

ट्रान्परेन्सी इन्टरनेशनलको पछिल्लो तथ्याङ अनुशार विश्वभर सबैभन्दा कम भ्रष्टचार हुने मुलुकमा सिंगापुर पाँचौ स्थानमा रहेको छ । यो सूचीमा सबैभन्दा कम भ्रष्टचार हुने मुलुकमा डेनमार्क पहिलो स्थानमा छ । ट्रान्परेन्सीका अनुशार विश्वका १ सय ८० देशहरु मध्ये भ्रष्टचार हुने मुलुकहरुमा नेपाल १ सय १० औं स्थानमा रहेको छ भने सबैभन्दा बढी भ्रष्टचार हुने मुलुकमा सोमालिया परेको छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.