Nepal Times
Nepal Times
3
Shares

बालबालिकालाई हानी पुुर्याएकोमा जुकरबर्गले माफी मागे

बालबालिकालाई हानी पुुर्याएकोमा जुकरबर्गले माफी मागे

१८ माघ, एजेन्सी ।

विश्वकै सर्वाधिक प्रयोग हुने सामाजिक सञ्जाल फेसबुक र इन्स्टाग्रामको सञ्चालक कम्पनी मेटाका सीईओ मार्क जुकरबर्गले सामाजिक सञ्जालबाट हानी पुगेका बालबालिकाका परिवारसँग माफी मागेका छन । अमेरिकी संसद सिनेटमा सुनुवाइका क्रममा आक्रोशित भएका परिवारसँग जुकरबर्गले बालबालिकालाई पर्न गएको असरप्रति माफी मागेका हुन ।

सांसदहरुले जुकरबर्गसँगै टिकटक अर्थात एक्स, स्न्याप, र डिस्कोर्डका मालिकहरूलाई पनि अनलाइनमार्फत हुने हिंसा र अपराधबाट बालबालिकालाई कसरी जोगाउने प्रयास गरेका छन् भन्नेबारे प्रष्ट पार्न लगाएको बीबीसीले जनाएको छ । उनीहरुले बालबालिकाको सुरक्षामा केन्द्रित हुन विभिन्न प्रविधिका मालिकहरुसँग आग्रह गरेका छन् ।

पाँच वटा प्रविधि कम्पनीका मालिकसँगै बसेका अभिभावकले आफ्ना बच्चाहरूले प्रविधिमार्फत् भोग्नुपरेका समस्याबारे जानकारी गराएका थिए । सबैभन्दा बढी फेसबुक र इन्स्टाग्राममार्फत् समस्या भएकाले त्यसका मालिक जुकरबर्ग जिम्मेवार रहेका सांसदले बताएका छन् ।

जुकरबर्गले अब कसैले पनि यस्तो समस्याबाट गुज्रनु नपर्ने गरी काम गर्ने र प्रविधिलाई सुरक्षित बनाउने प्रतिबद्धता व्यक्त गरेका छन । विश्वमा सबैभन्दा बढी प्रयोग हुने शीर्ष चार सामाजिक सञ्जालमा फेसबुक, ह्वाट्सएप, युट्युब र इस्टाग्राम पर्छन् । जसमा युट्युबबाहेक सबै मार्क जुकरबर्गको कम्पनी मेटाले सञ्चालन गर्छ ।

मार्क जुकरबर्ग विश्वकै सर्वाधिक चलाइने एप्लिकेसन फेसबुकका आविस्कारक हुन् । उनले इस्टाग्रामदेखि ह्वाट्सएपसम्मलाई आफूसँग गाभ्दै ‘फेसबुक इंक’ नामक कम्पनी सञ्चालन गर्दै आएका छन् । सन् २०२१ मा मात्रै जुकरबर्गले आफ्नो कम्पनीको नाम ‘मेटा प्लेटफर्म इंक’मा रुपान्तरण गरेका छन् ।

अहिले ‘मेटा’कै हिस्सा रहेको ह्वाट्सएप सन् २०१४ अघि छुट्टै कम्पनीले सञ्चालन गरेको थियो । जसको आविस्कार सन् २००९ मा ब्रायन एक्टन र जान कोउमले गरेका थिए । ब्रायन र जान सन् २००९ मा फेसबुक कम्पनीमा काम गर्न जाँदा रिजेक्ट भएका थिए । फेसबुकले रिजेक्ट गरेको ५ वर्षपछि ब्रायन र जानले नै बनाएको म्यासेजिङ एप ह्वाट्सएप १९.६ बिलियनमा फेसबुकले किनेको थियो ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.