Nepal Times
Nepal Times
378
Shares

अमेरिकी हवाइ बेसमा ड्रोन आक्रमण

अमेरिकी हवाइ बेसमा ड्रोन आक्रमण

२३ माघ,एजेन्सी ।
सिरियामा रहेको अमेरिकी हवाइ बेसमा ड्रोन आक्रमण भएको छ । ड्रोन आक्रमणमा अमेरिकी सैनिकका सहयोगी ६ कुर्दिस लडाकु मारिएका छन् । केही घाइते भएको आशंका छ । सीरियन डेमोक्रेटिक फोर्सेज एसडीएफका अनुसार पूर्वी प्रान्त दीर अल–जौर स्थित अल–उमर तेल क्षेत्रमा रहेको कमाण्डो प्रशिक्षण केन्द्रमा ड्रोन आक्रमण भएको हो ।

इरान समर्थित मिलिसिया अम्ब्रेला समूहले आक्रमणको जिम्मा लिएको छ । अमेरिकाले यहाँको आक्रमण र हताहतिबारे केही बताएको छैन् । सीरियामा झण्डै ८०० अमेरिकी सैनिक कार्यरत छन्,जहाँ उसले कुर्दिस लडाकू समूहसँग मिलेर काम गर्दै आएको छ ।

यसअघि इरान समर्थित लडाकु समूहले जोर्डनमा रहेको अमेरिकी हवाई क्याम्पमा ड्रोन आक्रमण गर्दा तीन अमेरिकी सैनिक मारिएका थिए । त्यसयता अमेरिकी हवाई अड्डामा दोस्रो पटक आक्रमण भएको हो । कुर्दिस समूह अमेरिकाको सहयोगमा आतंकवादी संगठन आईएसविरुद्ध लड्दै आएको छ ।

यसैबीच अमेरिकी विदेश मन्त्री एन्टोनी ब्लिंकेन सोमवार साउदी अरबको राजधानी रियाद पुगेका छन् । त्यहाँ उनले साउदी क्राउन प्रिंस मोहम्मद बिन सलमानसंग भेटवार्ता गरेका छन् । सो क्रममा दुवै नेताहरुले युद्धग्रस्त गाजामा मानवीय संकट समाधानका उपायबारे चर्चा गरेको बताइएको छ ।

ब्लिंकेन इजरायल–हमास युद्धका कारण यो क्षेत्रमा बढिरहेको तनाव रोक्न भन्दै मध्य–पूर्वका चार देशहरुको भ्रमणमा रहेका छन् । उनले मोहम्मद बिन सलमानसंग गाजामा संकटको स्थायी समाधान खोज्नका लागि क्षेत्रीय समन्वयमाथि पनि चर्चा गरेका छन् ।

अमेरिकी विदेश विभागका प्रवक्ता म्याथ्यू मिलरले सोमवार एक बयानमा भनेका छन्, रियादमा दुवै नेताहरुले अमेरिका र साउदी अरबबीच बलियो द्विपक्षीय सम्बन्ध निर्माणको महत्वबारे चर्चा गरे र दुवै देशबीच रणनीतिक साझेदारीलाई अगाडि बढाउने बारेमा पनि छलफल गरेका छन् । मिलरले बयानमा भनेका छन्, विदेश मन्त्री ब्लिंकेन र मोहम्मद बिन सलमानले लाल सागरमा तनाव कम गर्न आवस्यक रहेको बारेपनि चर्चा गरेका छन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.