Nepal Times
Nepal Times
549
Shares

सर्वाधिक शान्ति सेना पठाउने देश बन्यो नेपाल ,कुन देशमा कति ?

सर्वाधिक शान्ति सेना पठाउने देश बन्यो नेपाल ,कुन देशमा कति ?

२५ माघ,एजेन्सी ।

नेपाल संयुक्त राष्ट्रसंघका शान्ति स्थापना मिशनमा सबैभन्दा धेरै शान्ति सेना पठाउने देश बनेको छ । बंगलादेशलाई उछिन्दै नेपाल संयुक्त राष्ट्रसंघको शान्ति सेना मिशनमा सबैभन्दा धेरै शान्ति सेना पठाउने देश बनेको हो । हाल संयुक्त राष्ट्रसंघका विभिन्न मिशनमा कूल ६ हजार २ सय ४७ नेपालीहरुले योगदान गरिरहेका छन् ।

यसअघिको शीर्ष देश बंगलादेश दोस्रोमा झरेको छ जसका ६ हजार १ सय ९७ जना शान्ति स्थापकहरु संयुक्त राष्ट्रसंघका विभिन्न मिशनमा खटिएका छन् । तेस्रो स्थानमा भारत छ जसका ६ हजार ७३ जनाले शान्ति स्थापनामा योगदान गरिरहेका छन् । रुवान्डाका ५ हजार ९ सय १९, पाकिस्तानका ४ हजार १ सय ६४ शान्ति स्थापकहरु तैनाथ छन् ।

राष्ट्रसंघीय शान्ति मिशनमा नेपालका सबैभन्दा बढी ट्रुप अर्थात सैनिक जवानहरु तैनाथ छन् । विभिन्न मिशनमा नेपालका ५ हजार ५ हजार ८ सय ६५ ट्रुपहरु, ४२ जना मिशन एक्सपर्टहरु, १८० फर्म्र्ड पुलिस युनिटहरु, ५६ जना प्रहरी र १०४ स्टाफ अफिसरहरु तैनाथ छन् ।

पश्चिमी साहाराको मिनुर्सो मिशनमा ५ जना, सेन्ट्रल अफ्रिकन रिपब्लिकको मिनुस्का मिशनमा १ हजार २ सय ३९ जना, मालीको मिनुस्मा मिशनमा ८३ जना, कंगोमा मोनुस्को मिशनमा १ हजार १ सय ५० जना, इराकमा उनामी मिशनमा ८८ जना, सिरिया र इजरायलको युद्ध रोक्न तैनाथ अन्डफमा ४८६ जना तैनाथ छन् ।

साइप्रसको अन्फीसाइपमा ४ जना, लेबनानको युनिफिलमा ८ सय ७२ जना, सुडानको अब्येयीमा तैनाथ युनिस्फामा १०५ जना, हुडायेडाहमा २ जना, सर्बियाको कोसोभोमा १ जना, सुडानको अनमिसमा १ हजार ९ सथ ७४ जना, लिबियाको अन्समिलमा २३५ जना तैनाथ छन् सोमालियामा १ जना, ट्रस सुपरभिजन अर्गनाइजेशनमा २ जना तैनाथ छन् ।

यी विभिन्न मिशनहरुमा कैयौं पटक नेपालीहरुले पूरै मिशनको नेतृत्व गरेका छन् । केही मिशनहरुमा अहिले पनि नेपालीहरु कमाण्डिङ अफिसरहरु छन् । नेपालले यसरी राष्ट्रसंघका शान्ति मिशनहरुमा शान्ति स्थापकहरु पठाउन थालेको दशकौं भइसकेको छ । राष्ट्रसंघका मिशनहरुमा यसअघि सबैभन्दा धेरै शान्ति स्थापकहरु बंगलादेशका थिए ।

अहिले नेपालले उछिन्नुको पछाडि केही मिशनहरु बन्द भएर त्यहाँ तैनाथ बंगलादेशी सैनिकहरु फिर्ता भएका कारण हुन सक्ने नेपाली सेनाका प्रवक्ता सहायक रथी कृष्णप्रसाद भण्डारीले बताएका छन् । अन्तर्राष्ट्रिय संख्याले नेपाली सेनामाथि विश्वास गरेर यति ठूलो संख्यामा नेपाली सैनिकहरु माग गर्नु नेपालको लागि गौरवको विषय भएको उनले बताएका छन् । विश्वका १२२ राष्ट्रले राष्ट्रसंघको आह्वानमा शान्ति सैनिक खटाउँदै आएका छन्।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.