४ भदौ, विराटनगर ।
भारतका प्रसिद्ध क्रिकेट खेलाडी महेन्द्रसिंह धोनीको जीवनीमा बनेका ‘एमएस धोनी’ ले बक्स अफिसमा राम्रो आम्दानी गर्यो । सन् २०१६ मा आएको उक्त बायोपिकमा सुशान्तसिंह राजपुतको अभिनय तारिफयोग्य थियो ।
अब, भारतीय क्रिकेटका अर्का दिग्गज खेलाडी युवराज सिंहको बायोपिक बन्ने भएको छ । तथािप, युवराज सिंहको बायोपिकको नाम र मुख्य भूमिका कसले निर्वाह गर्ने भन्नेबारे खुलाइएको छैन ।
भारतको सबैभन्दा ठुलो प्रोडक्सन कम्पनी टी-सिरिजले युवराजको बायोपिक बनाउने घोषणा गरेको हो ।
४२ वर्षीय युवराजले सन् २०११ को विश्वकप क्रिकेटमा सानदार प्रदर्शन गरेका थिए । लगातार ६ वटा छक्का प्रहार गरेर क्रिकेटप्रेमीलाई आश्चर्यचकित पारेका उनले आफ्नो ब्याटिङ र बलिङले भारतीय क्रिकेटको क्याम्पियनलाई बढावा दिन ठुलो योगदान गरेका छन् ।
विश्वकप क्रिकेटको क्रममै उनी क्यान्सरसँग जुधिरहेका थिए । विश्वकपलगत्तै उपचारमा गएका उनले अन्ततः क्यान्सरलाई जिते । अहिले उनी फेरि भारतीय क्रिकेटका लागि आफ्नो योगदान दिने र क्याम्पेनमा सक्रिय छन् ।
