२१ भदौ, विराटनगर ।
शर्तसहित प्रतिबन्ध हटाउने सरकारको निर्णयपछि नेपालमा टिकटक चल्न थालेको छ । शुक्रबार (आज) बाट टिकटक चलाउन लगाइएको प्रतिबन्ध पूर्ण रूपमा हटेको दूरसंचार प्राधिकरणले जनाएको छ ।
नेपालमा लगाइएको टिकटकको प्रतिबन्ध ६ भदौमा हटाउने सरकारले निर्णय गरेको थियो । तर, पनि पूर्ण रूपमा टिकटक चल्न थालेको थिएन ।
मन्त्रिपरिषद्को निर्णयअनुसार टिकटकको प्रतिबद्धतापत्र दर्ता गरेर टिकटकको प्रतिबन्ध हटाउन सञ्चार मन्त्रालयले निर्देशन दिएपछि दूरसञ्चार प्राधिकरणले टिकटकको सबैखाले प्रतिबन्ध हटाएको हो ।
एक सूचना जारी प्राधिकरणले सबै इन्टरनेट सेवा प्रदायक र मोबाइल सेवा प्रदायकलाई प्राधिकरणबाट खुला गर्न निर्देशन जारी गरेको छ ।
