२२ भदौ, एजेन्सी ।
आगामी दुई वर्षपछि आयोजना हुने फिफा विश्वकप छनोटअन्तर्गत सर्वाधिक धेरै पाँच पटकको विजेता ब्राजिलले इक्वेडरमाथि संघर्षपूर्ण जित हासिल गरेको छ ।
विश्वकपको दक्षिण अमेरिकी छनोटअन्तर्गत शनिबार बिहान भएको खेलमा ब्राजिलले इक्वेडरमाथि १–० को जित हासिल गरेको हो ।
ब्राजिलको जितमा रोड्रिगोको निर्णायक गोल गरेका थिए । रोड्रिगोले ३०औं मिनेटमा लुकास पाकेटाको पासमा गोल गरेका थिए । पेनाल्टी बक्सबाहिरबाट गरेको प्रहार गरेको बलले सीधै जाली चुम्यो ।
जितसँगै ब्राजिलले तालिकामा दुई स्थान सुधार गरेको छ । सात खेलको समाप्तिमा ब्राजिल १० अंकसहित चौथो स्थानमा छ । इक्वेडर भने समान खेलमा आठ अंक जोड्दै छैटौं स्थानमा छ ।
