२२ भदौ, विराटनगर ।
चौथौ संस्करणको युरोपियन नेसन्स लिगअन्तर्गत आज नौ खेलहरू हुँदै छन् । युरोपका ५४ सदस्य राष्ट्रहरूले प्रतिस्पर्धा गर्ने नेसन्स लिगअन्तर्गत समूह चरणको खेलमा १८ वटा टोलीले प्रतिस्पर्धा गर्न आँटेका हुन् ।
युरोपियन फुटबल महासंघको आयोजना जारी प्रतियोगितामा आज इंग्ल्यान्ड, जर्मनी, नेदरल्यान्ड्लगातयत टोली प्रतिस्पर्धामा छन् । आज नौ खेल भएसँगै पहिलो चरणका खेलहरू सकिने छन् । लगत्तै दोस्रो चरणका खेलहरू हुने छन् ।
आज इंग्ल्यान्डले आयरल्यान्डसँग उसैको मैदानमा खेल्ने छ । ह्यारी केनको कप्तानीमा रहने इंग्ल्यान्ड आयरल्यान्डलाई हराउँदै प्रतियोगिताको सुखद सुरुआत गर्ने योजनामा हुने छ । टोलीमा युनाइटेडका ह्यारी म्यागुइरे, सिटीका फिल फोडेन र ज्याक ग्रिलिस, आर्सनलका बुकायो साका र लिभरपुलका ट्रेन्ट एलेक्जेन्डर आर्नोल्डलगायत छन् ।
आजकै अर्को खेलमा जर्मनीले घरेलु मैदानमा हंगेरीलाई निम्त्याउँदै छ भने नेदरल्यान्ड्सले बोस्निया एन्ड हर्जगोभिनासँग घरेलु मैदानमा खेल्ने छ ।
सन् २०१८–१९ मा पोर्चुगलमा आयोजित पहिलो संस्करणको नेसन्स लिगको उपाधि घरेलु टोली पोर्चुगलले नेदरल्यान्ड्सलाई हराउँदै जितेको थियो । सन् २०२०–२१ को युइएफए नेसन्स लिगको विजेता फ्रान्स हो । इटालीमा आयोजित उक्त संस्करणमा उसले त्यसबेला स्पेनलाई हराउँदै उपाधि उचालेको थियो ।
नेदरल्यान्ड्समा भएको अघिल्लो संस्करणमा क्रोएसियामाथि पेनाल्टीमा जित निकाल्दै स्पेन नेसन्स लिगको उपाधि जितेको थियो ।
आज हुने खेलहरू :
फारोइ इज्ल्यान्ड भर्सेस नर्थ म्याकेडोनियाँ- साँझ ६ः४५ बजे
आयरल्यान्ड भर्सेस इंग्ल्यान्ड- बेलुका ९:४५ बजे
अर्मेनिया भर्सेस लाटभिया- बेलुका ९:४५ बजे
जर्जिया भर्सेस चेकिया- बेलुका ९:४५ बजे
माल्डोभा भर्सेस माल्टा- बेलुका ९:४५ बजे
ग्रिस भर्सेस फिनल्यान्ड- राति १२:३० बजे
युक्रेन भर्सेस अल्बानिया- राति १२:३० बजे
ग्रिस भर्सेस फिनल्यान्ड- राति १२:३० बजे
नेदरल्यान्ड्स भर्सेस एन्ड हर्जगोभिना-राति १२:३० बजे
जर्मनी भर्सेस हंगेरी- राति १२:३० बजे
