२७ असोज , एजेन्सी ।
दिल्ली विश्वविद्यालयका पूर्व प्राध्यापक जीएन साईबाबाको शनिबार साँझ हैदराबादको निम्स अस्पतालमा निधन भएको छ । राति ८ः३६ मा उनको निधन भएको हो ।
गत महिना उनको पित्त थैली हटाउन शल्यक्रिया गरिएको थियो, त्यसपछि उनको मुटुले काम नगरेको जटिलताका कारण उनलाई अस्पताल लगिएको थियो ।
डाक्टरहरूले उनलाई सीपीआर दिए पनि उनको ज्यान बचाउन सकेनन् । त्यसपछि निम्सका चिकित्सकले साईबाबाको मृत्यु भएको घोषणा गरेका थिए ।
यसअघि जीएन साईबाबालाई सन् २०१४ मा गैरकानूनी गतिविधि रोकथाम ऐन (यूएपीए) अन्तर्गत पक्राउ गरिएको थियो ।
उनीमाथि माओवादी संगठनसँग सम्बन्ध रहेको आरोप लागेको थियो । सन् २०१७ मा, अदालतले उनलाई दोषी ठहर गर्दै आजीवन कारावासको सजाय सुनायो ।
तर अक्टोबर १४, २०२२ मा, बम्बई उच्च अदालतको नागपुर बेन्चले जीएन साईबाबालाई रिहा ग¥यो ।
२४ घण्टाभित्र सर्वोच्च अदालतका न्यायाधीश एमआर शाह र न्यायाधीश बेला त्रिवेदीको विशेष इजलासले उच्च अदालतको फैसला उल्टाएको थियो ।
सर्वोच्च अदालतले साईबाबा र अन्य अभियुक्तहरू ’राष्ट्रको सार्वभौमसत्ता र अखण्डता विरुद्धको गम्भीर अपराधको दोषी’ भएको बतायो ।
यस वर्ष मार्च ५ मा, बम्बई उच्च अदालतको नागपुर बेन्चले फेरि एक पटक उनलाई सफाइ दियो ।
‘इन्टरनेटबाट कम्युनिस्ट वा नक्सल साहित्य डाउनलोड गर्नु वा कुनै विचारधाराको समर्थक हुनु यूएपीए अपराध अन्तर्गत आउँदै,’ अदालतले भनेको थियो ।
यसपछि साईबाबालाई रिहा गर्ने बम्बई हाईकोर्टको निर्णयको विरुद्धमा महाराष्ट्र सरकारले फेरि सर्वोच्च अदालतमा पुगेको थियो ।
