विराटनगर : प्रदेश १ को स्थायी राजधानी र नामाकरण गर्न नसकेपछि प्रदेशसभाका सांसदहरु लोगो लिएर जिल्ला फर्किएका छन् ।
प्रदेशसभाको वर्षे अधिवेशनमै राजधानी र नाम टुङ्गो लगाउन प्रदेश सरकारले पटक– पटक गरेको प्रतिबद्धता पुरा नभएपछि सांसदहरु प्रदेश सभाको प्रतीक चिन्ह ‘लोगो’ लगाएर दशैँ मनाउन जिल्ला फर्किएका हुन् ।
प्रदेशसभाको जारी वर्षे अधिवेशन मंगलबारदेखि अन्त्य भएको छ । अधिवेशन अन्त्यसँगै यसपटक पनि राजधानी र नामाकरणको विषय अधुरै बनको हो ।
धनकुटाका सांसद् निरन राईले लोगोमै चित्त बुझाएको जवाफ दिए । उनले नाम र राजधानीको मुख्य विषयमा कुनैपनि दलभित्र पर्याप्त छलफल नभएका कारण प्रदेशको लोगा भएपनि लगाएर जिल्ला फर्किन लागेको प्रतिक्रिया दिए ।
प्रदेशसभाभित्र दुईतिहाई बहुमत रहेको सत्तासिन नेकपाको संसदीय दलमा प्रवेश पाएर निर्णयमा पुग्न नसकेको प्रदेशको नाम र राजधानीको विषय दलबाट सांसदमा आईपुग्न सकेन ।
प्रारम्भिक बैठक बसेर अर्को बैठकमा बिस्तृत छलफल गर्ने निर्णय गरेको प्रमुख प्रतिप्रक्षी दल नेपाली काङ्ग्रेस पनि अनिर्णयमै रह्यो । ,यो समाचार आजको उद्घोष दैनिकमा छापिएको छ ।
