१२ असोज , काठमाण्डौ ।
जापानमा सम्पन्न ११औँ विश्व सितोरियो कराते डो च्याम्पियनसिपमा नेपालले दुई स्वर्णसहित ६ पदक जित्यो ।
राष्ट्रिय खेलकुद परिषद् (राखेप)का अनुसार नेपाली खेलाडीले प्रतियोगितामा दुई स्वर्ण, एक रजत र तीन कास्य पदक हात पारे ।
प्रतियोगितामा एरिका गुरुङ र राकेश मानन्धर नेपालका लागि स्वर्ण पदक जित्न सफल ।
एरिकाले ६८ केजीमाथिको तौल समूहमा तथा राकेशले ६० केजीमुनिको स्पर्धामा स्वर्ण जिते ।
त्यस्तै, निरुपा डोङ तामाङले ६८ केजीमुनिको स्पर्धामा रजत पदक प्राप्त गरेकी छन् भने मीनबहादुर तामाङले ६७ केजीमुनिको स्पर्धामा कास्य पदक जिते ।
नेपालले कुमितेतर्फ टिम स्पर्धामा पनि कास्य पदक हात पार्दा मेघा लिम्बू, सानुमाया थिङ र एलिशा रास्कोटी सम्मिलित काता टोलीले पनि कास्य पदक जितेको राखेपले दियो जानकारी ।
