२१ असोज , काठमाण्डौ ।
राष्ट्रिय टोलीबाट तत्काल सन्न्यास लिने कुनै योजना नरहेको पोर्चुगलका स्टार फुटबलर क्रिस्टियानो रोनाल्डोको स्पष्टोक्ती । प्रशिक्षक जोर्जे जेसुससँगको विवादपछि राष्ट्रिय टोलीको प्रशिक्षण शिविर छाडेका रोनाल्डोले आफू अझैं पनि देशका लागि खेल्न र उपाधि जित्न प्रतिबद्ध रहेको जनाए ।
साउदी क्लब अल नासरबाट व्यावसायिक फुटबल खेलिरहेका ४१ वर्षीय रोनाल्डोले सामाजिक सञ्जाल इन्स्टाग्राममा लामो धारणा सार्वजनिक गर्दै आफू शारीरिक रूपमा फिट रहेर क्लबका लागि खेलिरहेको अवस्थामा राष्ट्रिय टोलीमा उपलब्ध हुने बताए ।
युइएफए नेसन्स लिगअन्तर्गत नर्वेविरुद्धको खेलमा आफूलाई मैदानमा उतार्ने अपेक्षा गराइए पनि प्रशिक्षकले अन्तिम समयमा खेल्न नदिएपछि विवाद चर्किएको रोनाल्डोको भनाइ । उनले आफूले मध्यान्तरदेखि नै वार्मअप गरे पनि मैदानमा बोलाउने समयको प्रतीक्षा गर्दागर्दै खेल सकिएको प्रति असन्तुष्टि व्यक्त ।
प्रशिक्षकले आफुसँग गरेको वाचा तोडेको रोनाल्डोको आरोप । आफ्नो बिदाइ खेलबारे भइरहेको चर्चाप्रति प्रतिक्रिया दिँदै उनले राष्ट्रिय टोलीबाट बिदाइ हुने खेलका लागि समय रहेको तर अहिले आफ्नो प्राथमिकता प्रतिस्पर्धा गर्नु रहेको बताए ।
पाँच पटकका बालोन डी’ओर विजेता रोनाल्डो पोर्चुगलका लागि सर्वाधिक खेल खेल्ने र सर्वाधिक गोल गर्ने खेलाडी हुन् । हाललाई उनको यो पछिल्लो अभिव्यक्तिले तत्कालका लागि उनको अन्तर्राष्ट्रिय करियर अन्त्य हुने अड्कलबाजीलाई कमजोर बनायो ।
