एजेन्सी,कात्तिक १४
फुटबल एसोसिएसन (एफए) ले चेल्सीका सहायक प्रशिक्षक मार्को लान्नीलाई ६ हजार पाउन्ड जरिवाना सुनाएको छ । गत साता भएको म्यानचेस्टर युनाइटेड र चेल्सीबीचको २–२ गोलको सकिएको खेलमा चेल्सीका प्रशिक्षकले म्यानचेस्ट युनाइटेडको बक्समा गएर गोलको खुशीयाली मनाएको भन्दै ६ हजार पाउन्ड जरिवाना सुनाएको एफएले जनाएको छ ।
घरेलु मैदानमा हारतर्फ धकेलिएको खेलको इन्जुरी समयमा रोज बार्क ली ले गोल गरेपछि मार्कोले युनाइटेडको बक्समा गएर खुशीयाली मनाएका थिए । उनले म्यानचेस्टर युनाइटेडका प्रशिक्षक जोजे मौरिन्होतर्फ इंगित गर्दै गोलको खुशीयाली मनाएका थिए । त्यसपछि खेलमा केहीवेर तनाव भएको थियो ।
एफएले जारी गरेको विज्ञप्तिमा उल्लेख छ ‘चेल्सीका प्रशिक्षक मार्कोलाई ६ हजार जरिवाना तोकिएको छ । मार्कोले एफएको अनुशासन उल्लंघन गरेको छ,’ । भनिएको छ ‘यो अनुशासनहीन काम मार्कोले इन्जुरी समयको छैटौ मिनेटमा यस्तो व्यवहार गरेको प्रमाणित भएको छ ।’
