पोखरा,कात्तिक १५
पोखरामा जारी नमस्ते पोखरा प्रिमियर लिग(पीपीएल) अन्तर्गत आज भएको पहिलो खेलमा चितवन राइनोजले हुलास काठमाडौं रोयल्सलाई १ सय ५० रनको विजयी लक्ष्य दिएको छ ।
पहिलो खेलमा टस हारेर पहिले ब्याटिङको निम्तो पाएको चितवनले निर्धारित २० ओभरमा ५ विकेट गुमाएर १ सय ४९ रन बनायो । हरिले सर्वाधिक ६० रनको अर्धशतकीय इनिङ्स खेले । ४९ बलमा हरिले ५ चौका र ३ छक्का प्रहार गरे । राम्रो शुरुवात गरेको चितवनका लागि ओपनर ब्याट्सम्यानद्धय अनिल कुमार साह र हरिशंकर साहले पहिलो विकेटको लागि ४२ रनको साझेदारी गरेका थिए ।
७ ओभर २ बलमा अनिल साह पहिलो विकेटको रुपमा २७ रनमा आउट भए । कप्तान पारस खड्का १४ रनमा नन्दन यादवबाट बोल्ड आउट भए । हरि शंकर साह र स्मिथ पटेलले तेस्रो विकेटका लागि ५५ रनको साझेदारी गरेका थिए । स्मित पटेल ३१ रनमा रन आउट भए । सन्नी पटेलले १३ रन बनाए । काठमाडौंका नन्दन यादव, बसन्त रेग्मी र पवन सर्राफले समान १ विकेट लिए ।
अपराजित रहेको काठमाडौँले यो खेलमा जित हात पारे प्ले अफमा स्थान बनाउनेछ भने हारले पनि काठमाडौंको प्ले अफ पुग्ने सम्भावना जीवितै रहनेछ । चितवले पनि यो खेल जितेको अवस्थामा भने प्ले अफ पुग्ने सम्भावना बलियो बनाउने छ । चितवनले दुई खेलमा जित र १ खेलमा जित निकालेको छ ।
