काठमाडौँ, फागुन ६
चलचित्र ‘खाग’ को ट्रेलर सार्वजनिक भएको छ । मनोज पण्डित निर्देशित सो फिल्मको टे«लर सोमवार राजधानीमा एक कार्यक्रमका बीच सार्वजनिक गरिएको हो ।
फागुन २४ गतेलाई प्रदर्शन मिति घोषणा गरिएको सो फिल्मको टे«लरमा गैंडा संरक्षणका लागि भएको प्रयासको कथा भनिएको छ । ‘खाग’ को ट्रेलर रिलिज कार्यक्रममा फस्टलुक पोस्टर पनि सार्वजनिक गरिएको थियो ।
कमलजंग कुँवर लिखित ‘गैंडालाई चार वर्ष’ पुस्तकमाथि निर्माण भएको सो फिल्ममा प्रविण खतिवडा प्रमुख भूमिकामा छन् । उनी फिल्ममा लेखक कुँवरको भूमिकामा छन् । निर्देशक पण्डित, पुस्कर गुरुङ, अशान्त शर्माको पनि यसमा अभिनय छ ।
फिल्मले एउटा व्यक्तिको संघर्षको कथा भन्ने निर्देशक पण्डितले बताए ।ट्रेलर रिलिज कार्यक्रममा फिल्मसँग सहकार्य गरेको इ–सेवाले ‘रिभ्यू कन्टेस्ट’ पनि घोषणा गरेको छ ।
प्रदर्शनको दिन फागुन २४ गतेदेखि २७ गतेसम्म फिल्मको रिभ्यू लेखेर पठाउने मध्येबाट प्रथमलाई १० हजार, दोस्रोलाई ५ हजार र तेस्रोलाई २५ सय प्रदान गरिनेछ । दीपक बज्रचार्यको छायांकन रहेको फिल्मलाई पदम तिमल्सिनाले सम्पादन गरेका हुन् । फिल्मलाई प्रमिला कुँवरले निर्माण गरेकी हुन् ।
