काठमाडौं, फागुन २४
प्रधानमन्त्री केपी शर्मा ओली र स्वतन्त्र मधेश गठबन्धनका अध्यक्ष सिके राउतले शुक्रबार एकै मञ्चबाट सयुंक्त सम्बोधन गर्ने भएका छन् । राष्ट्रिय सभा गृहमा आज दिउँसो १ बजे हुने कार्यक्रममा राउतले अखण्ड नेपाल स्वीकार गरेको घोषणा गर्ने बताइएको छ। योसँगै उनी छुट्टै मधेश राज्य अभियानबाट अलग हुने भएका छन् । सरकारसँगको गोप्य वार्तापछि उनी नेपालको राष्ट्रिय एकता, भौगोलिक अखण्डता स्वीकार्न सहमत भएका हुन् ।
लामो समयदेखि मधेसलाई नेपालबाट छुट्याउने अभियानमा लोगेका सिके राउत जिल्ला अदालत रौतहटको आदेशपछि पुर्पक्षका लागि थुनामा गएका थिए । राज्यविरुद्धको अभियोगमा थुनामा रहेका उनलाई अदालतले हिजो मात्रै रिहा गर्न आदेश दिएको थियो ।
बिहीबार सर्वोच्च अदालतका प्रधान न्यायाधीश चोलेन्द्र सम्शेर जबरा र न्यायाधीश पुरुषोत्तम भण्डारीको संयुक्त इजालसले उनलाई थुना बाहिर रहेर मुद्दा पूर्पक्ष गराउन आदेश दिएको हो ।
