विराटनगर, चैत ३
संघिय मामिला तथा सामान्य प्रशासन मन्त्री लालबाबु पण्डितले मारङको कटहरी गाउँपालिका स्थित बाँतर जाती तथा दलित सामुदायीक भवनको शिलन्यास गरेका छन् ।
नेपाल सरकारको तराई मधेश समृद्धि कार्यक्रम अन्तर्गत संघिय मामिला तथा सामान्य प्रशासन मन्त्रालयको करिब ८० लाख रुपैयाको लागतमा कटहरी–५ स्थित भौँडाहमा निर्माण हुने नेपाल बाँतर सरदार समाज कल्याणकारिणी केन्द्रीय कार्यालयको भवन तथा दलित सामुदायीक भवनको उद्घाटन गरेका हुन् ।
सो अबसरमा बोल्दै मन्त्री पण्डितले सरकारले तराई मधेशका आदिवासी, जनजाती, मधेशी र सिमान्तकृत समुदायको चौतर्फि विकासका लागि तराई मधेश समृद्धि कार्यक्रम लागु गरेको बताए । सो कार्यक्रम आफ्नो मन्त्रालय मार्फत सञ्चालन भइरहेको जानकारी दिँदै उनले भूमीहिन र विपन्न बर्गका समुदायको जीवनस्तर उकास्न र तराई मधेशको समृद्धिका लागि सरकार लागि परेको बताए ।
भ्रष्टाचार विरोधी मन्त्रीका रुपमासमेत पहिचान बनाएका मन्त्री पण्डितले तराई मधेश समृद्धि कार्यक्रम मार्फत सरकारले पहिलो पल्ट कटहरीमा दलित समुदायको संस्कृति संरक्षणका लागि सामुदायीक भवन बनाउन मन्त्रालय मार्फत बजेट उपलब्ध गराएको जानकारी दिए ।
उनलेसो काम इमान्दारीताका साथ सम्पन्न गरे आगामी बर्ष थप बजेट उपलब्ध गराउने प्रतिवद्धता जनाए । मन्त्री पण्डितले तराई मधेश सम्मृद्धि कार्यक्रम देशका २२ जिल्लामा सञ्चालन भइरहेको जानकारी दिँदै सो कार्यक्रम मार्फत सडक, विद्यालय, स्वास्थ्यचौकी, पुल कल्भर्ट, समुम्बासी सामुहिक आवास, विभिन्न जातजातीको संस्कृति संरक्षणका लागि सामुदायीक भवनलगायतका संरचनाहरु निर्माण हुने बताए ।
उनले सो कार्यक्रम मार्फत विभिन्न जात जातीको संस्कृति संरक्षणका लागि देशभरी १ सय सामुदायीक भवनहरु निर्माणका क्रममा रहेको जानकारी दिए । मन्त्री पण्डितले तराई मधेश समृद्धि कार्यधmम मार्फत तराइका भुमिहिन, गरिब तथा सुकुम्बासी परिवारलाई घर बनाइदिने सरकारको योजन रहेको बताए ।
कार्यक्रममा कटहरी गाउँपालिकाका अध्यक्ष रामकुमार कामतले कटहरीमा मात्र तराई मधेश समृद्धि कार्यक्रम मार्फत बाँतर, मण्डल, राजवंशी लगायतका समुदायका लागि सरकारले थुप्रै बजेट उपलब्ध गराएकोमा धन्यवाद ज्ञापन गर्दै आगामी वर्षमा अन्य जात जातीका लागि पनि बजेट उपलब्ध गराई दिन आग्रह गरे । उनले तराई मधेश समृद्धि कार्यक्रम मार्फत वर्षेनी सो गाउँपालिकाका लागि बजेट विनियोजन गर्न सरकारलाई आग्रह गरे ।
कार्यक्रममा नेपाल बाँतर सरदार समाज कल्याणकारिणीसभाका केन्द्रीय अध्यक्ष मोहनलाल सरकारले इतिहाँसमा कुनैपनि सरकारले तराइका अल्पसंख्यक दलित बाँतर समुदायका लागि केही नगरेको बताउँदै पहिलो पल्ट सरकारले आफ्नो समुदायलाई पनि सरकारले प्रथामिकतामा राखेको भन्दै शुशि व्यक्त गरे ।
कार्यक्रममा १ नं. प्रदेशका सामाजिक विकास मन्त्री जिवन घिमिरे, प्रतिनिधिसभा सदस्य अमनलाल मोदी, प्रदेशसभा सदस्य सावित्रा रेग्मी, बैजु विस्वास,नेपाल पूर्व सांसद कविता सरकदार कम्यूनिष्ट पार्टी(नेकपा) केन्द्रीय सदस्य विनोद ढकाल, महेश रेग्मी, मोरङ अध्यक्ष ऋषिकेश पोखरेल, प्रदेश कमिटी सदस्य सत्यनारायण चौधरी, मृत्यूञ्जय झा, युवा संघ केन्द्रीय उपाध्यक्ष पर्शुराम बस्नेत,केन्द्रीय सदस्य मुकेश बुढाथोकी लगायतको सहभागीता रहेको नेकपा मोरङका सदस्य सुभाषकुमार सरदारले जानकारी दिए ।
