काठमाडाैँ : सरकारले अर्को साता काठमाडौंमा आयोजना गर्ने ‘नेपाल लगानी सम्मेलन–२०७५’का लागि झन्डै ३७ खर्ब रुपैयाँबराबर लगानीका परियोजना तयार गरेको छ ।
लगानी बोर्ड नेपाल (आइबिएन)ले विभिन्न सात क्षेत्रका सम्भावित ५० परियोजना छनोट गरेको हो । प्रस्तावित ती परियोजनामा विदेशी तथा स्वदेशी लगानी खोजिने बोर्डका प्रमुख कार्यकारी अधिकृत महाप्रसाद अधिकारीले बताए ।
बोर्डले खासगरी ठूला र रणनीति महत्वका पूर्वाधारमा लगानीका लागि आह्वान गर्ने छ । तयार पारिएका ५० परियोजनाको कुल लागत ३३ अर्ब ६४ करोड ६० लाख अमेरिकी डलर छ । शुक्रबारको विनिमयदरअनुसार कुल लागत ३७ खर्ब २ अर्ब रुपैयाँ हुन आउँछ ।
सहरी पूर्वाधार
-हेटौँडा स्मार्ट सिटी हेटौँडा– ३० करोड डलर
-एकीकृत फोहोर व्यवस्थापन धुलिखेल– ४३ लाख डलर
-एकीकृत फोहोर व्यवस्थापन जितपुर–सिमरा– ८३ लाख डलर
-एकीकृत फोहोर व्यवस्थापन रत्ननगर– ५५ लाख डलर
-एकीकृत फोहोर व्यवस्थापन बुटवल– ८५ लाख डलर
-एकीकृत फोहोर व्यवस्थापन जनकपुर– ६४ लाख डलर
-नेपाल इन्टरनेसनल कन्भेन्सन एन्ड एक्स्पो सेन्टर मध्यपुर ठिमी– १ करोड ६० लाख डलर
यातायात पूर्वाधार
-विराटनगर क्षेत्रीय अन्तर्राष्ट्रिय विमानस्थल विराटनगर– ३६ करोड ४० लाख डलर
-काठमाडौं चक्रपथमा बस र्यापिड ट्रान्जिट (बिआरटी)– १४ करोड ९५ लाख डलर
-पूर्व–पश्चिम विद्युतीय रेल– ३ अर्ब डलर
-इन्टरस्टेट एन्ड इन्ट्रास्टेट पब्लिक ट्रान्सपोटेसन प्रोजेक्ट सुदूरपश्चिम– ४ करोेड ३० लाख डलर
-काठमाडौं–पोखरा–लुम्बिनी रेल्वे– २ अर्ब ८३ करोड डलर
-काठमाडौं भ्याली मेट्रो काठमाडौं (७७.२८ किमि)– ५ खर्ब ४७ अर्ब १७ करोड रुपैयाँ
-निजगढ अन्तर्राष्ट्रिय विमानस्थल बारा– ६ अर्ब ५६ करोड ५० लाख डलर
-र्यापिड पब्लिक ट्रान्सपोर्ट अन रामग्राम–तिलौराकोट (बुद्धिस्ट सर्किट) मेनोरेलका लागि २ अर्ब ३० करोड डलर र बस ¥यापिड ट्रान्जिट (बिआरटी)का लागि २० करोड २० लाख डलर
-काठमाडौं बाहिरी चक्रपथ विकास (७२ किमि)– १ अर्ब ८७ करोड १० लाख डलर
-सामाखुसी–टोखा–छहरे सडक स्तरोन्नति (३४.२ किमि)– २६ करोड ५० लाख डलर
पर्यटन पूर्वाधार
-दमौली मल्टिपर्पोज प्रोजेक्ट– ५ करोड ५० लाख डलर
-दोलखा माउन्टेन एकेडेमी दोलखा– ४ करोड ५० लाख डलर
-ड्रिमल्यान्ड धुलिखेल– ४ करोड ३० लाख डलर
-फिल्म सिटी दोलखा– २ करोड ५० लाख डलर
-गौतम बुद्ध अन्तर्राष्ट्रिय प्रसूति अस्पताल लुम्बिनी– ३ करोड ९० लाख डलर
-जानकी हेरिटेज होटेल एन्ड कल्चरल भिलेज धनुषा– २ करोड डलर
-लक्जरी रिसोर्ट, सेफोक्सुन्डो– १० करोड डलर
-स्की रिसोर्ट मनाङ– १० करोड डलर
-तालतलैया थिम पार्क विथ होटेल इटहरी– ४१ लाख डलर
-दी खप्तड टुरिजम, खप्तड नेसनल पार्क– १८ करोड ७० लाख डलर
यी सबै याेजनाकाे लिष्ट आजकाे नयाँ पत्रिकामा प्रकाशित छ ।
