विराटनगर, चैत ११
१ नं.प्रदेशको मोरङ्ग, झापा, सुनसरी र उदयपुर जिल्लामा ट्रिपरहरुलाई टाईम कार्ड लागु गरिएको छ । विगतमा भएका सवारी दुर्घटनाहरुको विश्लेषण गरी ट्रिपरबाट हुने दुर्घटना न्यूनीकरणको लागि १५ दिने महाअभियान अवधिबाटै शुभारम्भ गर्ने योजना अनुसार सोमबारबाट टाईम कार्ड लागु गरिएको हो ।
१ नं. प्रदेश ट्राफिक प्रहरी कार्यालय इटहरीका प्रहरी नायब उपरीक्षक वेद प्रसाद गौतमले ट्रिपर संचालन हुने मुख्य राजमार्ग तथा सहायक मार्गहरुमा टाईम कार्ड लागु गर्दा प्रभावकारी हुने देखिएकोले सम्बन्धित सरोकारवालाहरुँंग छलफल गरी प्राप्त राय सुझाब अनुसार स्थालगत अध्ययन गरी टाईम कार्ड लागु गरिएको बताए ।
कार्यक्रममा वडा नं. १० का वडाध्यक्ष गंगा याखा, ट्रिपर व्यबसायीका अध्यक्ष गोपाल कार्की, स्थानिय सुरक्षा निकाय र सरोकारवाला निकायका प्रतिनिधीहरु, पत्रकार तथा टिपर चालकहरु सहित करिब ९० जनाको उपस्थिती रहेको थियो । कार्यक्रमको शुभारम्भ पश्चात ट्रिपर चालकहरुलाई टाईम कार्ड वितरण गरिएको थियो ।
