Nepal Times
Nepal Times
3
Shares

प्रधानमन्त्रीको पहलमा धनकुमारीलाई नागरिकता

प्रधानमन्त्रीको पहलमा धनकुमारीलाई नागरिकता

काठमाडौं : नुवाकोटको लिखु गाउँपालिका–४ चौघडाकी धनकुमारी राईले बिहीबार नागरिकता र सामाजिक सुरक्षा भत्ताको कार्ड प्राप्त गरेका थिए ।

थापाथलीको पछिल्तिर रहेको सुकुम्बासी बस्तीछेउ भेटिएकी राईलाई प्रधानमन्त्री तथा मन्त्रिपरिषद्कोे पहल तथा जिल्ला प्रशासन कार्यालय नुवाकोेटको सहकार्यमा नागरिकताको प्रमाणपत्र र सामाजिक सुरक्षा भत्ताको प्रमाणपत्र दिइएको हो ।

प्रधानमन्त्री केपी शर्मा ओली तथा प्रधानमन्त्री कार्यालयले धनकुमारीको वस्तुस्थितिबारे जानकारी लिन जिल्ला प्रशासन कार्यालय नुवाकोट र नुवाकोटका प्रमुख जिल्ला अधिकारी उद्धवबहादुर थापालाई १० गते आइतबार निर्देशन दिएको थियो ।

जिल्ला प्रशासन कार्यालय नुवाकोटमा धनकुमारीको नागरिकता र सामाजिक सुरक्षा भत्ताको छानविनका लागि प्रधानमन्त्रीले चासो राखेका थिए । नुवाकोटका प्रमुख जिल्ला अधिकारी (प्रजिअ) थापाले धनकुमारीको नागरिकता सम्बन्धित व्यक्तिलाई जिम्मा लगाइएको नेपाल समाचारपत्रलाई बताए । राईलाई छोरीले काठमाडौबाट नुवाकोट लगेका थिए ।

‘गाउँका स्थानीय रोहित राईले संरक्षण गरिदिने भन्दैै बृद्धा धनकुमारीको नागरिकताको प्रमाणपत्र लगेका रहेछन्, उनीसँग मागेर हामीले धनकुमारीका छोरी र नातीलाई बुझाएका छौ’ प्रमुख जिल्ला अधिकारी थापाले भन्नुभयोे ।

धनकुमारीलाई प्रशासनको रोहबरमा पुरानै नागरिकता दिइएको हो । जिल्ला प्रशासन कार्यलय नुवाकोेटबाट २०४९ सालमा लिइएको राईको नागरिकता नम्बर ३२८७४/४००८ रहेको सहायक प्रमुख जिल्ला अधिकारी गोपाल अधिकारीले बताउनुभयो ।, याे खबर आजको नेपाल समाचारपत्रमा छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.