२१ जेठ २०७६,विराटनगर
मधेशी आयोगका अध्यक्ष डाक्टर विजयकुमार दत्तले आयोगले मधेशी समुदायको अवस्थाका बिषयमा स्थलगत तथ्य संकलन गरिरहेको बताएका छन ।
आयोगद्वारा मंगलबार विराटनगरमा आयोजित अन्तरक्रियात्मक अनुशिक्षण कार्यक्रममा उनले स्थलगत तथ्य संकलनगर्न आयोगको टोली खटिएको बताए । प्रदेश २ मा केहिदिन अघि तथ्य संकलन गरिसकिएको जानकारी दिदै दत्तले प्रदेश १ का विभिन्न स्थानमा ८ वटा कार्यक्रम आयोजना गरिएको जानकारी दिए ।
अध्यक्ष दत्तले विभिन्न प्रदेशहरुमा मधेशी समुदायको समग्र स्थितिको अध्ययनगरि सो सम्बन्धमा गर्नुपर्ने नीतिगत,कानुनी र संस्थागत सुधारका बिषयमा नेपाल सरकार समक्ष सिफारिस गरिने बताए ।
