Nepal Times
Nepal Times
3
Shares

व्यवसायी आक्रमणका आरोपी गुरुङ पक्राउ

व्यवसायी आक्रमणका आरोपी गुरुङ पक्राउ

विराटनगर, फागुन १३
विराटनगर स्थित गुद्री बजार सब्जीमण्डी व्यवसायी संघका अध्यक्ष पशुपति भगतमाथि आक्रमणका आरोपी एलिस गुरुङ विराटनगरबाट पक्राउ परेका छन् ।

एलिसलाई मोरङ प्रहरीले विराटनगरको महेन्द्र चोकबाट पक्राउ गरेको जनाएको छ । गत माघ ५ गते विराटनगरका व्यापारी पशुपति भगतलाई मरणासन्न हुनेगरी गुरुङले कुटपिट गरेको आरोप छ ।

भगतले गुरुङको योजनामा आफ्नो हत्या गर्ने प्रयास भएको भन्दै जिल्ला प्रहरी कार्यालय मोरङमा किटानी जाहेरी दर्ता गरेका थिए ।

ज्यान मार्ने उद्योगको अभियोगमा जाहेरी परेपछि गुरुङ फरार भएका थिए । सो बिषयमा जानकारी दिदै जिल्ला प्रहरी कार्यालय मोरङका प्रहरी प्रमुख एसपी अरुणकुमार बिसीले ब्यवसायी भगत माथिको आक्रमणको घटना साथै गुरुङले अन्य ब्यक्तिहरुलाई धम्क्याएको जाहेरीहरु समेत आएको बताए ।

ब्यवसायी भगत आक्रमणको घटनामा मुख्य योजनाकार मानिएका गुरुङ नजिकका मो. सिद्धिकेताज बबरलाई प्रहरीले पक्राउ गरि अनुसन्धान पछि छोडेको थियो ।

उनलाई छोडेपछि प्रहरी नियन्त्रणमा नपरिने मनसाय राखेर विराटनगरमा देखिएका गुरुङलाई प्रहरीले नियन्त्रणमा लिएको जनाइएको छ । मोरङको कर्सियामा रहेको जग्गाको विषयमा गुरुङसँग भगतको विवाद भएपछि उनीमाथि आक्रमण भएको बताइएको छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.