विराटनगर, फागुन १५
विराटनगरका व्यापारी पशुपति भगतमाथि सांघातिक आक्रमणको आरोपमा पक्राउ परेका एलिश गुरुङलाई ६ दिनको म्याद थप गरिएको छ ।
शुक्रबार राति पक्राउ गरिएका गुरुङलाई प्रहरीले आईतबार दिउँसो जिल्ला प्रशासन कार्यालयमा उपस्थित गराएको थियो । गुरुङलाई सार्वजनिक अपराधको मुद्दामा ६ दिनको म्याद थप गरिएको मोरङ प्रहरी प्रमुख एसपी अरुणकुमार बिसीले जानकारी दिए ।
हाल जिल्ला प्रहरी कार्यालय मोरङको नियन्त्रणमा रहेका गुरुङको बिषयमा थप छानबिन भइरहेको एसपी बिसीले बताए । एक महिनाअघि गुद्री बजार सब्जी मण्डी संघका अध्यक्ष पशुपति भगतमाथि सांघातिक आक्रमण गर्नुका साथै उनलाई पटकपटक धम्क्याएको गुरुङ माथि आरोप छ ।
