Nepal Times
Nepal Times
3
Shares

बैशाखदेखी सरकारले जाँचपास नभएका सवारी साधन प्रवेश रोक लगाउने

बैशाखदेखी सरकारले जाँचपास नभएका सवारी साधन प्रवेश रोक लगाउने

काठमाडौं, फागुन २२
सरकारले आगामी बैशाखदेखि प्रदुषण जाँचपास नभएका सवारी साधनलाई महानगरपालिका र उपमहानगरपालिका प्रवेशमा रोक लगाउने व्यवस्था गरेको छ ।

जनसंख्या तथा वातावरण मन्त्री लालबाबु पण्डितले वायु प्रदुषण जाँचपास नभएका सवारी साधनलाई बैशाख १ गतेबाट महानगरपालिका र उपमहानगरपालिका प्रवेशमा प्रतिबन्ध लगाउने व्यवस्था गरिएको जानकारी दिएका हुन् ।

काठमाडौं महानगरपालिका र देशका विभिन्न भागमा वायु प्रदुषणले मानव स्वास्थ्यमा समेत प्रतिकूल प्रभाव पारिरहेका बेला मन्त्री पण्डितले बैशाख १ गतेबाट सरकारले वायु प्रदुषण हुन नदिन हरियो स्टिकर लगाएको सवारी साधनमात्रै संचालन गर्न अनूमति दिने आवश्यक व्यवस्था मिलाएको उनले स्पष्ट पारे ।

मंगलबार काठमाडौंमा आयोजित साक्षात्कार कार्यक्रममा बोल्दै उनले वायु प्रदुषण गर्ने प्लाष्टिकका उद्योगहरु संचालनमा पनि रोक लगाउने तयारी भईरहेकोे समेत बताए ।

मन्त्री पण्डितले माक्स लगाउन नपर्ने गरी वातावरणलाई स्वच्छ राख्न आफूले सम्बन्धित निकायलाई नियन्त्रण, अनुगमन र दण्डसजायको उपयुक्त विधि सक्रियतापूर्वक लागू गर्न पनि सचेत गराएको जानकारी दिए ।

मन्त्री पण्डितले वातावरणलाई मानवमैत्री बनाउन आफूले मापदण्ड नपुगेका ११ वटा संघ, संस्थालाई जरिवान गर्नु परेको पनि स्मरण गराए ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.