२८ मंसिर, काठमाडौँ ।
१३ औं संसद सेवा दिवस शनिबार मनाइएको छ । संघीय संसद भवन नयाँ बानेश्वरमा विशेष कार्यक्रमको आयोजना गरि सेवा दिवस मनाइएको हो । दिवसका अवशरमा बोल्दै राष्ट्रियसभाका अध्यक्ष गणेशप्रसाद तिमल्सिनाले संघीय सचिवालयका कर्मचारीहरुलाई आफुले पाएको जिम्मेवारी देशलाई केन्द्रमा राखेर गर्न आग्रह गरे ।
‘कुनै पनि पदमा बसिसकेपछि नुनको सोझो बन्नु भन्दा पनि देशका लागि काम गर्नुपर्छ । राज्यले जति सेवा सुविधा दिएको छ त्यती नै काम गर्छु भनेर हुँदैन् । हामी देशको नागरिक हौँ जनप्रतिनिधि हौँ । त्यसकारण अझ बढी मिहेनत गर्नुपर्छ’, उनले भने ।
प्रतिनिधिसभाका उपसभामुख शिवमाया तुम्बाहाम्फेले सचिवालयका कर्मचारीहरुले गर्ने ढिलासुस्ती प्रति असन्तुष्टि व्यक्त गरिन् । ‘सबै कर्मचारीहरुको काम राम्रो छ तर केही ढिलासुस्ती हुने गर्दछ त्यसलाई सुधार गर्नुप¥यो’, उनले भनिन् ।
संघीय संसद सचिवालयका महासचिव मनोहरप्रसाद भट्टराईले संसद सेवालाई विशिष्ट सेवाको रुपमा विकास गर्न अन्य देशहरुको अभ्यास र कामकारवाहीलाई अध्ययन अनुसन्धान गर्नु आवश्यक रहेको बताए । कर्मचारीलाई सक्षम बनाउन प्रशिक्षणका लागि सचिवालय भित्रै प्रभावकारी संयन्त्रको आवश्यकता रहेको उनले बताए । दिवसका अवशरमा संसदका उत्कृष्ट कर्मचारीहरुलाई पुरस्कृत समेत गरिएको छ ।
