७ पौष, काठमाडौं । गैरकानुनी गतिविधिमा संलग्न भएको आरोपमा प्रहरीले करिब ७० जना विदेशी नागरिकलाई पक्राउ गरेको छ ।
भिजिट भिसामा नेपाल आई यहीँ कार्यालय खोलेर गैरकानुनी गतिविधि गरेको पाइएपछि विदेशी नागरिक पक्राउ गरिएको महानगरीय प्रहरी परिसर काठमाडौंले जनाएको छ ।
‘विशेष अप्रेसन’ नै चलाएर परिसरले सोमबार बुढानिलकण्ठ, मनमैजु, बाँसबारीलगायत ठाउँबाट विदेशी नागरिक पक्राउ गरेको हो ।
पक्राउ परेकामा अधिकांश चिनियाँ नागरिक रहेको उनले बताए । चिनियाँ नागरिक पछिल्लो समय बैंकको सिस्टम ह्याकिङ प्रकरणमा जोडिएपछि प्रहरीले उनीहरूमाथि निगरानी बढाएको छ ।
