विराटनगर, चैत १०
यही चैत १५ गतेदेखि मोरङको बुढीगंगा गाउँपालिकामा ,बुढीगंगा कृषि तथा औद्योगिक महोत्सव आयोजना हुने भएको छ । वुढीगंगाको पहिचान हाम्रो अभियान भन्ने नाराका साथ स्थानीय कृषि तथा औद्योगिक उत्पादनलाई प्रचार प्रसार गर्ने उद्देश्यका साथ मेला आयोजना गरिने भएको हो ।
समाज विकास केन्द्र नेपालद्धारा आज विराटनगरमा पत्रकार सम्मेलन गरी यही चैत १५ गते देखि २५ गतेसम्म वुढीगंगा –३ गोकुवा चौकमा महोत्सव संचालन गर्ने जानकारी दिइएको हो ।
मेलामा ४९ वटा स्टल रहने जनाईएको छ । मेलामा मोरङ सुनसरी औद्योगिक क्षेत्रका उत्पादन, जुत्ता, चप्पल, कृषि यान्त्रीकरणका साथै झापा, इलाम, धनकुटा र भोजपुर लगायतका जिल्लाका घरेलु उत्पादन र कृषि उत्पादन विक्री वितरणका लागि राखिने केन्द्रका अध्यक्ष नगेन्द्र मण्डल राजवंशीले बताए ।
महोत्सवमा स्थानीय थारु , राजवंशीको मौलिक खाद्य परिकार समेत राखिने छन । महोत्सव संचालन गर्न ३८ लाख खर्च लाग्ने छ भने २ करोड रुपैया वरावरका कारोवार हुने आयोजकले अनुमान गरेको छ ।
