११ वैशाख, धनगढी ।
कैलालीको लम्कीचुहा नगरपालिका–१ की कोरोना संक्रमित ६५ वर्षीया महिला पनि निको भएर बिहीबार सेती प्रादेशक अस्पतालबाट डिस्चार्ज भएकी छिन् । सेती प्रादेशिक अस्पतालबाट कोरोनालाई जितेर घर फर्किने ५० वर्षीया महिला चौथो संक्रमित हुन् ।
लगातार दुई पटकसम्म कोरोना परीक्षण रिपोर्ट नेगेटिभ आएपछि डिस्चार्ज गरिएको सेती प्रादेशिक अस्पतालका सूचना अधिकारी दिलिप श्रेष्ठले बताए ।
वीरगञ्जबाट आएकी उनलाई वैशाख १ गते कोरोना पुष्टि भएपछि लम्कीमा रहेको क्वारेन्टाइनबाट सेती प्रादेशिक अस्पतालमा ल्याइएको थियो।
अब सेती अस्पतालमा एकजना संक्रमित महिलामात्रै उपचारमा छिन्। उनको अवस्था पनि सामान्य रहेको अस्पतालले जनाएको छ। उनमा विदेशबाट आएका आफ्ना देवरबाट संक्रमण सरेको थियो ।
यससँगै नेपालमा कोरोना संक्रमण भएर निको हुनेको संख्या १० पुगेको छ । बिहीबारै पेप्सीकोलास्थित सनसिटी अपार्टमेन्टका दुई जना कोरोना संक्रमितहरु उपचारपछि घर फर्किएका छन् ।
