१४ वैशाख, काठमाडौं ।
कोरोनाभाइरस (कोभिड–१९) रोकथाम तथा नियन्त्रणका लागि सरकारले लकडाउन लागू गरेको आज ३४ औं दिन् ।
कोरोनाभाइरसको महामारीको रोकथामका लागि सरकारले गत चैत ११ गतेदेखि लकडाउन लागू गरेको थियो । लकडाउनका कारण देशमा कोरोना भाइरसको महामारी फैलिन पाएको छैन् । तर सबैक्षेत्र बन्द भएपछि जनजीवन भने प्रभावित भएको छ । तरपनि नागरिकले लकडाउनको पूर्णरुपमा पालना गरेका छन् ।
आइतबार काठमाडौं उपत्यकाका सडकहरुमा पुग्दा अत्यावस्यक ढुवानीका साधनहरु एवं अत्यावस्यक सेवाका सवारी साधनहरु चलेका थिए । सडकमा नागरिकको आवागमन देखिदैन भने सहरका भित्रि सडकमा पनि आफ्नो घर नजिकको पसलसम्म पुगेर किनमेल गर्न बाहेक मानिसहरु बाहिर निस्केका छैनन् ।
सहरका मुख्य सडकहरु सुनसान छन भने चोकचोकमा बसेका सुरक्षाकर्मीले चेकजाँचलाई कडाई पारेका छन् । सरकारले वैशाख १५ गते अर्थात भोली सोमबार सम्मकालागि लकडाउनको अवधि तोकेको छ । तर शनिबार कोरोनाभाइरस (कोभिड–१९) संक्रमण रोकथाम तथा नियन्त्रण उच्चस्तरीय समन्वय समितिको बैठकले लकडाउनको समय अझै बढाउनुपर्ने सुझाव सरकारलाई दिएको छ ।
जसले गर्दा अझै केहीदिन लकडाउनको समय बढ्ने सम्भावना छ । नेपालमा अहिलेसम्म कोरोनाभाइरस संक्रमण भएका व्यक्तिहरुको संख्या ४९ पुगेको छ । यस्तै १२ जनानिको भइसकेका छन् । अहिले सम्म ९ हजार ६ सय १७ जनाको पीसीआर प्रविधिमार्फत कोरोनाभाइरस परीक्षण गरिएको छ ।
यस्तै १४ हजार ७ सय ३१ जना क्वारेन्टाइनमा छन भने आइसोलेसनमा ८७ जना रहेको स्वास्थ्य तथा जनसंख्यामन्त्रालयले जनाएको छ ।
