तेह्रथुम, चैत १८
मर्मत सम्भारको काम गुणस्तरहीन हुदाँ तेह्रथुमको वसन्तपुर म्याङलुङ्ग सडक खण्ड हिउँद महिनामा धुलाम्मे हुने गरेको छ । तीन वर्ष अगाडि पिच गरिएको सडक गुणस्तरहीन भएकाले अहिले धुलाम्मे भएको हो ।
धुलाम्मे सडकमा यात्रा गर्दा सवारी साधन र पैदल यात्रुलाई समस्या हुने गरेको छ । २६ किलोमिटरको उक्त सडकमा ३० भन्दा बढी खाल्डा खुल्डी परेका छन ।
सडकमा परेका खाल्डा र धुलोका कारण सवारी साधन र पैदलयात्रुलाई समस्या परेको स्थानीयवासीले बताएका छन । समयमा सडक मर्मत नगर्ने, मर्मत सम्भारका नाममा गुणस्तरहिन सामाग्री प्रयोग गर्ने गरेकाले सडक जिर्ण बन्दै गएको छ ।
सडक निर्माण र मर्मतका नाममा करोडौ रुपैया खर्च गरे पनि सडक डिभिजन कार्यालय र ठेकेदारको मिलेमतोमा गुणस्तरीयहिन काम हुने गरेको छथर गाउँपालिकाका अध्यक्ष सन्तोष तिगेलाले बताए ।
