सुनसरी, चैत १८
सुनसरीको भोक्राहा गाउँपालिकाको इस्लामनगर नरसिंहमा मुस्लिम अगुवा तथा धर्म गुरुहरुको उपस्थितीमा शान्तिकालागि मानवताको सन्देश कार्यक्रम आयोजना गरिएको छ ।
मिल्लत एजुकेशनल एण्ड वेलफेयर सोसाइटी नेपालको आयोजनामा विश्व बन्धुत्व, आपसी सद्भाव र सभ्य समाज निर्माणकालागि सम्मेलनको आयोजना गरिएको हो ।
कार्यक्रममा भारत यूपीका अल इण्डिया तहरिक पयामे इन्सानित फोरमका महासचिव मौलाना बिलाल हसनी मदनी लगायतका मुस्लिम धर्म गुरु तथा अगुवाहरुले भाइचारा सहितको सद्भावयुक्त विश्व बन्धुत्व बारेमा मानवताको सन्देश दिएका थिए ।
नेपालका दुई दर्जन बढी स्थानमा शाखा रहेको वेलफेयर सोसाइटीमा आवद्ध मुस्लिम अगुवाहरुको कार्यक्रममा उपस्थिती रहेको थियो ।
