योगेन्द्र योगी
१ असार, दोहा ।
कोरोना भाइरसको कारण समस्यामा परेका नेपालीलाई स्वदेश फर्काउन स्वदेश फिर्तीका लागि तय भएको पहिलो चरणको चार्टर्ड उडान स्थगित गरिएको युएईस्थित नेपाली दूतावासले जनाएको छ । पहिलो उडान नै अर्को सूचना जारी नहुँदासम्मका लागि स्थगित भएको छ ।
नेपाल एयरलाइन्स मार्फद युएईबाट आगामी जुन १६ र १८ अर्थात् असार २ र ४ गते नेपाल एयरलाइन्स मार्फत स्वदेश फिर्तीका दुई उडान तालिका भए पनि अन्तिम समयमा आएर स्थगित दूतावासले जनाएको छ ।
अचम्म त के छ भने दूतावासले उडान रद्ध भनेर आफ्नो आधिकारिक फेसबुक पेजबाट सार्वजनिक गरेको सूचना एक मिनेटमै डिलेट गरेको छ। के कति कारणले राखेको मिनेटमा सूचना डिलेट गरियो दूताबासले केही खुलाइएको छैन ।
यता, बहराइनमा पनि असार ३ गते हुने भनिएको उडान प्राविधिक कारणले असार ७ मा हुने बहराइनस्थित नेपाली दूताबासले जानकारी दिएको छ । पहिलो उडान मार्फद स्वदेश फर्किने नेपालीहरुको विवरण सार्बजनिक गरेको छ ।
